सोमवार 25 जुलै रोजी दुपारी 12 ते रात्री 12 या वेळेत आरे रोड तात्पुरता बंद ठेवण्यात आला आहे. पालिका आणि मुंबई मेट्रो रेल कॉर्पोरेशनकडून सुरू असलेल्या कामामुळे हा रस्ता काही काळासाठी बंद करण्यात आला आहे. रविवार 24 जुलै रोजी, मुंबई वाहतूक पोलिसांनी एक प्रेस स्टेटमेंट जारी करत ही माहिती दिली.
दिंडोशी वाहतूक विभागातील आरे कॉलनीतून प्रवास करणाऱ्या नागरिकांच्या आणि वाहनचालकांच्या सुरक्षेसाठी हा निर्णय घेण्यात आला आहे.
Aarey Road has been temporarily restricted to vehicular traffic today from 00.01 to 24.00 hrs due to ongoing work by MMRC & MCGM.
— Mumbai Traffic Police (@MTPHereToHelp) July 25, 2022
Kindly use JVLR to commute to Powai/Marol and vice versa. #MTPTrafficUpdates pic.twitter.com/1SCfTiYtwP
MMRC आणि MCGM द्वारे चालू असलेल्या कामामुळे आरे रोड आज दुपारी 12 ते रात्री 12 वाजेपर्यंत वाहनांच्या वाहतुकीसाठी तात्पुरता प्रतिबंधित करण्यात आला आहे.
पवई/मरोळला जाण्यासाठी कृपया JVLR चा वापर करावा असे ट्विट वाहतुक पोलिसांनी केले आहे.
आरे कॉलनीतील रहिवाशांना आरे रोड वापरण्याची परवानगी देण्यात आली आहे. दुसरीकडे, वाहनचालक आणि जनता पवई किंवा मरोळला जाण्यासाठी JVLR रस्त्याचा वापर करू शकतात. नागरिकांनी वरील बदलांची नोंद घेऊन पोलिसांना सहकार्य करावे, असे आवाहन करण्यात आले आहे.
एमएमआरसी आणि एमसीजीएमने सोमवारी आरे कॉलनीत अनेक कामे केल्याने, दिंडोशी वाहतूक विभागातील आरे कॉलनी ते मरोळ नाका आणि आरे कॉलनी ते फिल्टरपाडा या रस्त्यांवरील वाहतूक सोमवारी दुपारी 12 ते रात्री 12 वाजेपर्यंत वळवावी लागली.
हेही वाचा