महाराष्ट्रातील (maharashtra) रुग्णवाहिकांना आता भाडे चार्ट (chart) लावावे लागतील. महाराष्ट्र नवनिर्माण सेनेने (मनसे) वैद्यकीय आणीबाणीच्या वेळी कुटुंबांकडून जास्त शुल्क (overpricing) आकारले जात असल्याबद्दल चिंता व्यक्त केल्यानंतर हा निर्णय घेण्यात आला आहे.
रुग्णवाहिका (ambulance) चालक अवास्तव दर (fare) मागून त्यांचा फायदा घेत असल्याचे वृत्त आहे. मनसेच्या तक्रारीला उत्तर म्हणून, परिवहन विभागाने राज्यातील सर्व रुग्णवाहिकांना किंमत चार्ट लावणे बंधनकारक केले आहे, असे फ्री प्रेस जर्नलने वृत्त दिले आहे.
यापूर्वी, रुग्णवाहिका सेवा किती शुल्क आकारू शकतात याची कोणतीही निश्चित मर्यादा नव्हती. त्यामुळे अनेकदा रुग्णवाहिका चालक आणि रुग्णांच्या कुटुंबियांमध्ये वाद होत असत.
मनसेने परिवहन कार्यालय आणि परिवहन मंत्र्यांना रुग्णवाहिकांमध्ये भाडे चार्ट आणि मीटर दोन्ही बसवून त्वरित कारवाई करण्याची विनंती केली होती. त्यानंतर, परिवहन विभागाने प्रत्येक रुग्णवाहिकेत भाडे चार्ट लावण्याचे निर्देश जारी केले.
राज्यातील सर्व वाहतूक कार्यालये आता रुग्णवाहिकांमध्ये आणि रुग्णालयाच्या प्रवेशद्वाराजवळ भाडे चार्ट लावले जातील याची खात्री करतील. यामुळे रुग्णवाहिका चालकांना आपत्कालीन परिस्थितीत नागरिकांची फसवणूक करण्यापासून रोखता येईल.
दरम्यान, महाराष्ट्र आपत्कालीन वैद्यकीय सेवा (MEMS) 108 प्रकल्प 2025 च्या अखेरीस सुरू होणार आहे. हा प्रकल्प राज्यभरात पाच टप्प्यात राबविला जाईल.
हा कार्यक्रम राबविण्यासाठी, महाराष्ट्राच्या सार्वजनिक आरोग्य विभागाने SUMEET SSG BVG महाराष्ट्र EMS सोबत दहा वर्षांचा सवलतीचा करार केला आहे.
हेही वाचा
Share
Tweet
