कामगार दिन आणि महाराष्ट्र दिनानिमित्त 1 मे रोजी शिर्डीला जाण्याचे नियोजन करणाऱ्या साईभक्तांना आपले नियोजन बदलावे लागणार असल्याने शिर्डीत 1 मेपासून बेमुदत बंद पुकारण्यात आला आहे.
शिर्डीच्या साई मंदिराच्या सुरक्षेसाठी आता सीआयएसएफची सुरक्षा पुरवण्यात येणार आहे. ही सुरक्षा आल्यास गावकऱ्यांना त्रास होऊ शकतो, असे मानून सर्व पक्षांसह ग्रामस्थांनी सीआयएसएफ सुरक्षेविरोधात बेमुदत संप पुकारला आहे.
सध्या शिर्डी येथील साई मंदिरात संस्थानचे स्वतःचे सुरक्षा रक्षक आणि महाराष्ट्र पोलिसांचे सुरक्षा रक्षक तैनात आहेत. याशिवाय सीआयएसएफची सुरक्षा तैनात असेल. या सुरक्षेमुळे ग्रामस्थांना त्रास होऊ शकतो, असे मानले जात आहे.
त्यामुळे बुधवारी ग्रामस्थांनी सर्वपक्षीयांची बैठक घेतली. या बैठकीत बेमुदत संप पुकारण्यात आला आहे. संपादरम्यान साई मंदिर, दर्शन व्यवस्था, साई संस्थानची निवास व्यवस्था, भोजन व्यवस्था सुरू राहणार आहे.
मात्र, शिर्डी बंद असल्याने भाविकांना वाहतुकीसह अन्य सुविधांपासून वंचित राहावे लागू शकते.
Share
Tweet
