बृहन्मुंबई महानगरपालिकेने (brihanmumbai municipal corporation) अंध आणि दृष्टिहीन लोकांना (visually impaired) शहरातील रस्ते सुरक्षितपणे ओलांडण्यास मदत करण्यासाठी ट्रॅफिक सिग्नलवर बीपर बसवण्यास सुरुवात केली आहे.
घाटकोपरमधील (ghatkopar) एलबीएस रोडवरील बेस्ट बस डेपोजवळील सिग्नलवर हा पायलट प्रकल्प राबविण्यात आला. ही प्रणाली आता मुंबईच्या इतर भागांमध्येही विस्तारित केली जात आहे.
तसेच या चाचणीचा पुढील टप्पा आणखी दोन ठिकाणी करण्यात येणार आहे. ट्रॅफिक सिग्नल अपग्रेड करण्याच्या शहराच्या मोठ्या योजनेचा भाग म्हणून नवीन बीपर सिस्टम सुरू करण्यात आली आहे.
मुंबईमध्ये प्रमुख जंक्शनवर सुमारे 650 सिग्नल आहेत. या अपग्रेडचा एक भाग म्हणून, वाहतूक विभागाने गेल्या वर्षी दृष्टिहीनांना (blind) मदत करण्यासाठी निवडक ठिकाणी बीपर सिस्टम समाविष्ट करण्याचा निर्णय घेतला होता.
रस्ता ओलांडणे केव्हा सुरक्षित आहे हे दर्शविण्यासाठी बीपर ध्वनी वापरला जातो. पादचाऱ्यांना सिग्नल हिरवा झाल्यावर तो एक वेगळा आवाज करतो.
सिग्नल बदलताच ध्वनीची वारंवारता आणि आवाज हळूहळू कमी होतो. जो पादचाऱ्यांना क्रॉस न करण्यासाठी सूचित करतो. गरज पडल्यास दृष्टिहीन व्यक्ती बीपर सक्रिय करू शकतील यासाठी पुश-बटण डिझाइन देखील तयार करण्यात येणार आहे.
घाटकोपरमधील यशस्वी चाचणीनंतर, महापालिका (bmc) आता ही प्रणाली इतर जास्त रहदारी असलेल्या चौकांमध्ये विस्तारित करेल. तसेच रुग्णालये आणि इतर सार्वजनिक स्थळांजवळील ठिकाणांना याचे प्राधान्य दिले जाईल.
कफ परेडमधील कॅप्टन प्रकाश पेठे मार्गावरील ललित बिल्डिंगजवळील सिग्नलवर आणि वडाळ्यातील पी. डी'मेलो रोडवरील फातिमा हायस्कूलसमोरील जंक्शनवर पुढील दोन प्रयोग नियोजित करण्यात येणार आहेत.
यापूर्वी वरळी सी फेस आणि पूनम चेंबर्ससारख्या ठिकाणी अशाच प्रकारच्या प्रणालींचा प्रयोग करण्यात आला होता. तथापि, रहिवाशांनी आवाजाची तक्रार केल्यानंतर हे काढून टाकण्यात आले.
मुंबई (mumbai) महापालिका जागरूकता मोहिमा चालवण्याची देखील योजना आखत आहे. जेणेकरून दृष्टिहीन नागरिक या प्रणालीशी परिचित होऊ शकतील.
हेही वाचा
Share
Tweet
