नवी मुंबई महानगरपालिका (nmmc) कोपरखैरणे येथील सेक्टर 19 येथील होल्डिंग तलावात बोटिंगसारखे (boating) मनोरंजक उपक्रम सुरू करण्याची योजना आखत आहे.

आयुक्त डॉ. कैलास शिंदे यांनी असा प्रस्ताव मांडला की अशा सुविधांमुळे लोकांचा सहभाग वाढू शकतो आणि जवळच्या सांडपाणी प्रक्रिया पायाभूत सुविधांच्या देखभालीसाठी महसूल मिळू शकतो. आयुक्तांच्या प्रस्तावानंतर नवी मुंबई (navi mumbai) महानगरपालिकेतर्फे हा निर्णय घेण्यात आला आहे.

केंद्र सरकारच्या अमृत 2.0 योजनेअंतर्गत, शहरी पायाभूत सुविधा मजबूत करण्याच्या उद्देशाने सुरू असलेल्या विविध प्रकल्पांच्या डॉ. कैलास शिंदे यांच्या पाहणीचा एक भाग म्हणून ही शिफारस करण्यात आली. भेटीदरम्यान, त्यांनी अधिकाऱ्यांना गुणवत्ता मानके राखून सांडपाणी पंपिंग स्टेशनच्या कामांची गती वाढविण्याचे निर्देश दिले.

आयुक्तांनी वाशी (vashi) सेक्टर 3, 12 आणि 28 मधील सुविधांची पाहणी केली. जिथे सांडपाणी पंपिंग स्टेशनचे बांधकाम प्रगतीपथावर आहे. त्यांनी प्रकल्पाच्या निर्धारित मुदतीत आणि गुणवत्ता निकषांचे काटेकोरपणे पालन करून कामे पूर्ण करण्याच्या गरजेवर भर दिला.

डॉ. कैलास शिंदे यांनी वाशी सेक्टर 10 मधील भूमिगत आणि उन्नत पाण्याच्या टाक्यांच्या सुरू असलेल्या बांधकामाचा आढावा घेतला. त्यांनी अधिकाऱ्यांना काम जलदगतीने करण्याचे आणि पाणी वितरण चाचणीची तयारी सुरू करण्याचे निर्देश दिले, असे नवी मुंबई महानगरपालिकेच्या एका प्रवक्त्याने सांगितले.

हेही वाचा

एक्वा लाईन 3 मध्ये मोबाईल नेटवर्क गायब, प्रवासी त्रस्त

गोवंडी : वैद्यकीय महाविद्यालय स्थापन करण्याचा प्रस्ताव