महाराष्ट्र सरकारने छत्रपती शिवाजी महाराज आंतरराष्ट्रीय विमानतळ परिसरात टॅक्सी, रिक्षा आणि अॅप-आधारित कॅब चालकांना नमाज अदा करण्यास परवानगी देता येणार नसल्याचे हायकोर्टाने सांगितले. विमानतळ हा अतिसंवेदनशील आणि उच्च सुरक्षा क्षेत्र असल्याने येथे तात्पुरती नमाजसाठी शेड उभारणे धोकादायक ठरू शकते, असे सरकारने स्पष्ट केले.

एप्रिल 2025 मध्ये विमानतळाजवळील प्रार्थनास्थळ पाडण्यात आले होते. हे ठिकाण अनेक वर्षांपासून चालक आणि भाविक वापरत होते. त्यानंतर चालक संघटनेने न्यायालयात याचिका दाखल करून हजारो लोकांना नमाज अदा करण्यासाठी जागा उरली नसल्याचा दावा केला.

न्यायमूर्ती बी.पी. कोलाबावाला आणि फिरदोष पूनीवाला यांच्या खंडपीठाने सुरक्षा मुद्दे मान्य केले. मात्र रमजान काळात जवळच पर्यायी जागा उपलब्ध करून देण्याचा प्रस्ताव सादर करण्याचे निर्देश प्रशासनाला दिले. पुढील सुनावणी 5 मार्च रोजी होणार आहे.

हेही वाचा

सफाई कामगारांना मिळणार हक्काचे निवासस्थान

महाराष्ट्रात रस्ते अपघातातील मृत्यूंमध्ये 8 टक्क्यांनी घट