मुंबई महापालिकेच्या माध्यमातून १ ऑक्टोबर २०१६ ते ३१ मे २०१८ या कालावधीत ५५२.७१ किमी लांबीच्या रस्त्यांची कामे करण्यात आल्याचा दावा महापालिकेनं केला आहे. तसंच २ लाख ८८ हजार २७८ चौरस मीटर एवढ्या क्षेत्रफळाच्या जंक्शनची कामं देखील महापालिकेनं केल्याची माहिती रस्ते आणि वाहतूक खात्याचे प्रमुख अभियंता विनोद चिठोरे यांनी दिली आहे.
रस्त्यांची कामं ऑक्टोबरपासून
महानगरपालिका क्षेत्रातील ५०७.६२ किमी लांबीच्या रस्त्यांची १ हजार ३४३ कामे पुढील महिन्यापासून म्हणजेच ऑक्टोबर २०१८ पासून टप्प्याटप्प्याने सुरू करण्यात येणार आहेत. या कामांच्या सध्या काही निविदा प्रक्रिया सुरू आहेत. अशा प्रकारे निविदा प्रक्रिया सुरू असलेल्या २०२.३१ किमी लांबीच्या ६२४ रस्त्यांचा समावेश यामध्ये आहे. तर उर्वरित ३०५.०८ किमी लांबीच्या रस्त्यांची ७१९ कामं ही पावसाळ्यामुळे थांबवण्यात आलेली आणि नवीन आहेत. याव्यतिरिक्त १ लाख ३१ हजार ८ चौरस मीटर एवढ्या क्षेत्रफळाच्या जंक्शनची कामंदेखील ऑक्टोबरपासूनच टप्प्याटप्प्याने करण्यात येणार असल्याचंही रस्ते आणि वाहतूक खात्याचे प्रमुख अभियंता विनोद चिठोरे यांनी स्पष्ट केलं.
१९९ रस्ते कामांचा समावेश
पावसाळा संपल्यानंतर म्हणजेच ऑक्टोबर २०१८ पासून २०२.३१ किमी लांबीच्या ६२४ रस्त्यांची कामं नव्यानं हाती घेण्यात येतील. या प्रकल्प कामांमध्ये शहर भागातील ४६.१६ किमी लांबीच्या १९९ रस्ते कामांचा समावेश आहे. याव्यतिरिक्त पूर्व उपनगरातील ४७.८९ किमी लांबीच्या १५५ रस्ते कामांचा यात समावेश असून; उर्वरित १०८.२६ किमी लांबीचे रस्ते हे पश्चिम उपनगरांमधील आहेत. पश्चिम उपनगरांमधील रस्ते कामांची संख्या २७० एवढी आहे.
खर्च किती?
नवीन रस्ते कामांसाठी ६२ निविदांची प्रक्रिया सध्या सुरू आहे. ही निविदा प्रक्रिया पूर्ण होऊन ऑक्टोबर २०१८ मध्ये कार्यादेश दिले जातील. या निविदांमध्ये शहर भागातील व पूर्व उपनगरातील प्रत्येकी १५; तर पश्चिम उपनगरातील ३२; यानुसार एकूण ६२ निविदांचा समावेश आहे. या कामांसाठी खर्च होणारी एकूण रक्कम ही रुपये १ हजार ५०८ कोटी ८३ लाख एवढी अंदाजित आहे. यामध्ये ३८७ कोटी एवढी रक्कम शहर भागासाठी, पूर्व उपनगरांसाठी ३७५ कोटी ६५ लाख; तर पश्चिम उपनगरांसाठी ७४६ कोटी १७ लाख रुपये एवढ्या अंदाजित रकमेचा समावेश आहे.
विविध जंक्शनच्या कामांचा समावेश
सध्या सुरू असलेली परंतु पावसाळ्यामुळे थांबवण्यात आलेली कामं देखील ऑक्टोबर २०१८ पासून सुरू करण्यात येणार आहेत. यामध्ये ३०५.०८ किमी लांबीच्या ७१९ रस्ते कामांचा समावेश आहे. यामधील २३८.४५ किमी लांबीचे रस्ते हे 'प्रकल्प रस्ते' या वर्गवारीतील आहेत. जे रस्ते पूर्णपणे नव्याने करण्यात येणार आहेत.
याव्यतिरिक्त 'प्राधान्यक्रम २'या वर्गवारीतील राहिलेल्या ७.७१ किमी लांबीच्या रस्त्यांची कामे ऑक्टोबरपासून हाती घेण्यात येत आहेत. तर प्राधान्यक्रम ३ अंतर्गत ५८.९२ किमी लांबीच्या रस्त्यांची कामंही ऑक्टोबर २०१८ पासून हाती घेण्यात येत आहेत. 'प्राधान्यक्रम २' आणि 'प्राधान्यक्रम ३' अंतर्गत रस्त्यांच्या पुनर्पृष्ठीकरणाच्या कामांचा समावेश आहे. या व्यतिरिक्त ८५ हजार ४५३ चौरस मीटर क्षेत्रफळाच्या विविध जंक्शनच्या कामांचा देखील यात समावेश आहे.
मुंबई महापालिकेच्या माध्यमातून १ ऑक्टोबर २०१६ ते ३१ मे २०१८ या कालावधीत ५५२.७१ किमी लांबीच्या रस्त्यांची कामे करण्यात आल्याचा दावा महापालिकेनं केला आहे. तसंच २ लाख ८८ हजार २७८ चौरस मीटर एवढ्या क्षेत्रफळाच्या जंक्शनची कामं देखील महापालिकेनं केल्याची माहिती रस्ते आणि वाहतूक खात्याचे प्रमुख अभियंता विनोद चिठोरे यांनी दिली आहे.
रस्त्यांची कामं ऑक्टोबरपासून
महानगरपालिका क्षेत्रातील ५०७.६२ किमी लांबीच्या रस्त्यांची १ हजार ३४३ कामे पुढील महिन्यापासून म्हणजेच ऑक्टोबर २०१८ पासून टप्प्याटप्प्याने सुरू करण्यात येणार आहेत. या कामांच्या सध्या काही निविदा प्रक्रिया सुरू आहेत. अशा प्रकारे निविदा प्रक्रिया सुरू असलेल्या २०२.३१ किमी लांबीच्या ६२४ रस्त्यांचा समावेश यामध्ये आहे. तर उर्वरित ३०५.०८ किमी लांबीच्या रस्त्यांची ७१९ कामं ही पावसाळ्यामुळे थांबवण्यात आलेली आणि नवीन आहेत. याव्यतिरिक्त १ लाख ३१ हजार ८ चौरस मीटर एवढ्या क्षेत्रफळाच्या जंक्शनची कामंदेखील ऑक्टोबरपासूनच टप्प्याटप्प्याने करण्यात येणार असल्याचंही रस्ते आणि वाहतूक खात्याचे प्रमुख अभियंता विनोद चिठोरे यांनी स्पष्ट केलं.
१९९ रस्ते कामांचा समावेश
पावसाळा संपल्यानंतर म्हणजेच ऑक्टोबर २०१८ पासून २०२.३१ किमी लांबीच्या ६२४ रस्त्यांची कामं नव्यानं हाती घेण्यात येतील. या प्रकल्प कामांमध्ये शहर भागातील ४६.१६ किमी लांबीच्या १९९ रस्ते कामांचा समावेश आहे. याव्यतिरिक्त पूर्व उपनगरातील ४७.८९ किमी लांबीच्या १५५ रस्ते कामांचा यात समावेश असून; उर्वरित १०८.२६ किमी लांबीचे रस्ते हे पश्चिम उपनगरांमधील आहेत. पश्चिम उपनगरांमधील रस्ते कामांची संख्या २७० एवढी आहे.
खर्च किती?
नवीन रस्ते कामांसाठी ६२ निविदांची प्रक्रिया सध्या सुरू आहे. ही निविदा प्रक्रिया पूर्ण होऊन ऑक्टोबर २०१८ मध्ये कार्यादेश दिले जातील. या निविदांमध्ये शहर भागातील व पूर्व उपनगरातील प्रत्येकी १५; तर पश्चिम उपनगरातील ३२; यानुसार एकूण ६२ निविदांचा समावेश आहे. या कामांसाठी खर्च होणारी एकूण रक्कम ही रुपये १ हजार ५०८ कोटी ८३ लाख एवढी अंदाजित आहे. यामध्ये ३८७ कोटी एवढी रक्कम शहर भागासाठी, पूर्व उपनगरांसाठी ३७५ कोटी ६५ लाख; तर पश्चिम उपनगरांसाठी ७४६ कोटी १७ लाख रुपये एवढ्या अंदाजित रकमेचा समावेश आहे.
विविध जंक्शनच्या कामांचा समावेश
सध्या सुरू असलेली परंतु पावसाळ्यामुळे थांबवण्यात आलेली कामं देखील ऑक्टोबर २०१८ पासून सुरू करण्यात येणार आहेत. यामध्ये ३०५.०८ किमी लांबीच्या ७१९ रस्ते कामांचा समावेश आहे. यामधील २३८.४५ किमी लांबीचे रस्ते हे 'प्रकल्प रस्ते' या वर्गवारीतील आहेत. जे रस्ते पूर्णपणे नव्याने करण्यात येणार आहेत.
याव्यतिरिक्त 'प्राधान्यक्रम २'या वर्गवारीतील राहिलेल्या ७.७१ किमी लांबीच्या रस्त्यांची कामे ऑक्टोबरपासून हाती घेण्यात येत आहेत. तर प्राधान्यक्रम ३ अंतर्गत ५८.९२ किमी लांबीच्या रस्त्यांची कामंही ऑक्टोबर २०१८ पासून हाती घेण्यात येत आहेत. 'प्राधान्यक्रम २' आणि 'प्राधान्यक्रम ३' अंतर्गत रस्त्यांच्या पुनर्पृष्ठीकरणाच्या कामांचा समावेश आहे. या व्यतिरिक्त ८५ हजार ४५३ चौरस मीटर क्षेत्रफळाच्या विविध जंक्शनच्या कामांचा देखील यात समावेश आहे.