राज्य विधानसभा निवडणुकीत एकही जागा मिळवू न शकलेल्या महाराष्ट्र नवनिर्माण सेनेने (mns) सोमवारी आढावा बैठक घेतली. निवडणुकांमध्ये आलेल्या अपयशाचे विश्लेषण करण्यासाठी ही बैठक घेतली गेली. पराभूत उमेदवारांपैकी अनेकांनी सल्ला दिला की मनसेने महायुती आघाडीत प्रवेश केला पाहिजे.

तसेच बृहन्मुंबई महानगरपालिका (BMC) निवडणुकीत किमान 30 जागा मिळवल्या पाहिजेत. 2017 मध्ये, मनसेचे सात नगरसेवक (corporater) निवडून आले होते. परंतु ते नगरसेवक शिवसेनेत गेले. 

राज ठाकरे (raj thackarey) ज्यांच्या घरी बैठक झाली तेव्हा त्यांनी राज्यात भाजपचे (bjp) सरकार स्थापन होईल आणि देवेंद्र फडणवीस (devendra fadnavis) पुन्हा मुख्यमंत्री होतील, असे म्हटल्याने मनसेच्या अनेक मतदारांनी महायुतीला मतदान केले असावे, असे काही उमेदवारांनी सांगितले.

तसेच मनसेला शिवसेना UBT, शिवसेना आणि भाजपची मतं तोडणारा पक्ष म्हणजेच व्होट कटर म्हणून पाहिलं जातं. म्हणूनच, मनसेने केवळ प्रतिस्पर्ध्यांच्या मतांचे विभाजन करण्यासाठी उमेदवार उभे करणारा पक्ष म्हणून नाही, तर परिणामी पक्ष म्हणून स्वत:ला सिद्ध करणे आवश्यक आहे.

अनेक पदाधिकाऱ्यांनी पक्षाच्या धोरणांमध्ये बदल करण्याची मागणीही केली. 2009 च्या विधानसभा निवडणुकीत मनसेने 13 जागा जिंकल्या होत्या आणि 2014 आणि 2019 मध्ये अनुक्रमे एक जागा जिंकली होती.

या निवडणुकीत मात्र पक्षाला भोपळा मिळाला, पक्षाने एकही जागा जिंकली तर नाहीच शिवाय, माहीमची जागाही गमावली जिथून मनसे अध्यक्ष राज ठाकरे यांचे सुपुत्र अमित ठाकरे (amit thackarey) लढले आणि तिसरे आले. 

हेही वाचा

तूर्तास... पराभवानंतर राज ठाकरे म्हणाले

देवेंद्र फडणवीस मुख्यमंत्री होणार?