राज्याची गृहनिर्माण संस्था म्हणजेच म्हाडा Maharashtra Housing and Area Development Authority पुढील दोन आठवड्यांत मुंबईत सुमारे 2,500 परवडणाऱ्या घरांसाठी वार्षिक लॉटरी जाहीर करण्याच्या तयारीत आहे. अधिकाऱ्यांच्या माहितीनुसार, ही घरे शहरातील विविध भागांत असतील.

MHADAच्या वार्षिक लॉटरीमध्ये आर्थिकदृष्ट्या दुर्बल घटक (EWS), कमी उत्पन्न गट (LIG), मध्यम उत्पन्न गट (MIG) आणि उच्च उत्पन्न गट (HIG) अशा सर्व श्रेणीतील नागरिकांना समाविष्ट केले जाते.

EWS श्रेणीत वार्षिक उत्पन्न 6 लाखांपर्यंत असलेल्या कुटुंबांना अर्ज करता येतो. 6 लाख ते 9 लाख उत्पन्न असलेल्यांना LIG गटात अर्ज करता येतो.

9 लाख ते 12 लाख उत्पन्न असलेले कुटुंब MIG श्रेणीत अर्ज करू शकतात, तर 12 लाखांपेक्षा जास्त उत्पन्न असलेले HIG श्रेणीत अर्ज करू शकतात.

MHADA लॉटरी म्हणजे काय?
MHADA लॉटरी ही महाराष्ट्र सरकारद्वारे राबवली जाणारी गृहनिर्माण वाटप प्रणाली आहे. यामध्ये संगणकीकृत ड्रॉच्या माध्यमातून विविध उत्पन्न गटातील लोकांना परवडणारी घरे दिली जातात. ही लॉटरी दरवर्षी MHADAकडून आयोजित केली जाते. ज्यामध्ये मुंबई, पुणे, ठाणे, नाशिक, नागपूर आणि इतर शहरांचा समावेश असतो.

2025 मध्ये मुंबईसाठी MHADAची वार्षिक लॉटरी झाली नव्हती. मात्र, 2024 मध्ये 29 लाखांपासून 6.82 कोटींपर्यंत किमतीची 2,000 हून अधिक घरे विक्रीसाठी उपलब्ध होती.

उच्च उत्पन्न गटासाठी (HIG) फ्लॅट्स 1 कोटी ते 6 कोटी किंवा त्याहून अधिक किमतीत देण्यात आले होते. ही घरे अंधेरी, अँटॉप हिल, जुहू, गोरेगाव, तारदेव, विक्रोळी आणि पवई या भागांत होती.

2024 मधील MHADA लॉटरीतील सर्वात महाग फ्लॅट दक्षिण मुंबईतील तारदेव येथे होता. ज्याची किंमत 6.82 कोटी होती आणि क्षेत्रफळ 1,500 चौरस फूटांपेक्षा जास्त होते.

हेही वाचा

वसई-विरारमध्ये बेकायदेशीरपणे राहणाऱ्या नायजेरियन नागरिकांना अटक