राणीबाग हे मुंबईकरांचे आवडते पर्यटन स्थळ आहे. मुंबईतील अनेक नागरिक सुट्टीच्या काळात प्राणीसंग्रहालयाला भेट देतात. या मुंबईकरांसाठी मुंबई महापालिकेने एक महत्त्वाचा निर्णय घेतला आहे.
वीरमाता जिजाबाई भोसले बोटॅनिकल गार्डन आणि प्राणिसंग्रहालय बुधवार, १५ नोव्हेंबर रोजी खुले राहणार आहे. त्यामुळे प्राणीसंग्रहालय आता बुधवारऐवजी गुरुवारी १६ नोव्हेंबर रोजी बंद राहणार आहे.
मिळालेल्या माहितीनुसार, 15 नोव्हेंबर 2023 रोजी भाऊबिजनिमित्त सार्वजनिक सुट्टी आहे. मात्र, वीरमाता जिजाबाई भोसले बोटॅनिकल गार्डन आणि प्राणिसंग्रहालय बुधवार, 15 नोव्हेंबर रोजी सर्वांसाठी खुले राहणार आहे. दुसऱ्या दिवशी म्हणजे गुरुवार 16 नोव्हेंबर 2023 रोजी वीरमाता जिजाबाई भोसले बोटॅनिकल गार्डन आणि प्राणीसंग्रहालय बंद राहील.
भायखळा पूर्वेकडील वीरमाता जिजाबाई भोसले बोटॅनिकल गार्डन आणि प्राणीसंग्रहालय दर बुधवारी साप्ताहिक सुट्टीसाठी बंद असते. मात्र, मुंबई महापालिकेने मंजूर केलेल्या ठरावानुसार बुधवारी सार्वजनिक सुट्टी पडल्यास त्या दिवशी उद्याने आणि प्राणीसंग्रहालय जनतेसाठी खुले राहतील. त्याच ठरावानुसार ते दुसऱ्या दिवशी बंद ठेवण्यात आले आहे.
तसेच या ठरावानुसार वीरमाता जिजाबाई भोसले बोटॅनिकल गार्डन आणि प्राणीसंग्रहालय बुधवार, 15 नोव्हेंबर 2023 रोजी नागरिकांसाठी खुले राहणार असल्याची माहिती मुंबई महानगरपालिका प्रशासनाकडून देण्यात येत आहे.
हेही वाचा
Share
Tweet
