मुंबईत एका दशकात महिन्यातील दुसऱ्या क्रमांकाच्या सर्वात कमी पावसाची नोंद झाली आहे. यासोबतच मुंबईत 2015 नंतरचा सर्वात ड्राएस्ट (कोरडा) ऑगस्ट आहे.

भारतीय हवामानशास्त्र विभागाच्या (IMD) मासिक पावसाच्या आकडेवारीनुसार, या ऑगस्टमध्ये 176.8 मिलीमीटर पावसाची नोंद झाली आहे, जी 566.4 मिमीच्या मासिक सरासरी पर्जन्यमानाच्या केवळ 31 टक्के आहे.

18 ऑगस्टपर्यंत मुंबईत 30.6 मिमी पावसाची नोंद झाली आहे, तर महिन्याच्या शेवटच्या पंधरवड्यात 140 मिमीपेक्षा जास्त पावसाची नोंद झाली आहे. शहरात ऑगस्टमध्ये पावसाची 68 टक्के तूट झाली.

अहवालांवर विश्वास ठेवला तर, मुंबईतील सर्वात कोरडा ऑगस्ट 1972 मध्ये नोंदवला गेला जेव्हा IMD वेधशाळेने 108.6 मिमी पावसाची नोंद केली. तर सर्वात ओला ऑगस्ट 1958 मध्ये नोंदवला गेला, जेव्हा शहरात 1,254 मिमी पाऊस पडला.

शिवाय, मुंबई आणि कोकण पट्ट्यात 10 सप्टेंबरपर्यंत चांगला पाऊस पडण्याची शक्यता नसल्याचे आयएमडीच्या अधिकाऱ्यांनी सांगितले.

जुलैमध्ये, मुंबईत 1,769 मिमी पावसाची नोंद झाली, जी त्या महिन्यातील सरासरी पावसाच्या जवळपास दुप्पट होती. जूनमध्येही मुंबईत 549 मिमी पावसाची नोंद झाली, ज्याने 537 मिमीचा मासिक टप्पा ओलांडला. 

दरम्यान, मुंबईला पाणीपुरवठा करणाऱ्या सातही तलावांमधील पाणीसाठा 90.59% इतका आहे, तर गेल्या वर्षी 31 ऑगस्टला ही पातळी 97% होती आणि 2021 मध्ये ती सुमारे 89% होती.

मुंबईला पाणी बाहेर ७ जलाशयांचा आज ६ वाजेपर्यंत अहवाल

🚰मुंबईला पाणीपुरवठा करणाऱ्या ७ जलाशयांचा आज सकाळी ६ वाजेपर्यंतचा अहवाल

🚰Report of water stock in the seven lakes, supplying water to Mumbai, till 6am today. #MumbaiRains#mybmcupdates pic.twitter.com/YWN1RWk9Eo

— माझी Mumbai, आपली BMC (@mybmc) September 1, 2023

यंदा राज्यभरात पावसाचे प्रमाण कमी असल्याचा परिणाम एकूण तापमानावर झाला आहे. राज्यात कमाल तापमान सरासरीपेक्षा सातत्याने अधिक होते. या उकाड्यामुळे मुंबईकरांचे हाल होत आहेत. वाढलेले तापमान, वातावरणातील आर्द्रता यामुळे सध्या ऑगस्ट संपतानाच ऑक्टोबर हिटचा अनुभव मुंबईकरांना येत आहे.

हेही वाचा

मुंबईकरांना मिळणार हवेच्या दर्जाचा अलर्ट, अत्याधुनिक प्रणाली विकसित