२९ डिसेंबरच्या रात्री कमला मिल कंपाऊंड परिसरात वन अबव्ह या पबला लागलेल्या आगीत अनेकांचा जीव वाचवणाऱ्या मुंबई पोलीस कॉन्स्टेबल सुदर्शन शिंदे यांचा सन्मान मुंबई पोलीस आयुक्त दत्तात्रेय पडसलगीकर आणि महापौर विश्वनाथ महाडेश्वर यांनी केला.
Nothing can compensate the loss of lives in the #KamlaMillsFire but PC Sudarshan Shinde’s efforts to evacuate victims & save lives, deserves being commended. Our prayers are always with the grieving families. pic.twitter.com/tEhTYsTnl3
— CP Mumbai Police (@CPMumbaiPolice) January 1, 2018
या आगीच्या घटनेबद्दल पोलीस कॉन्स्टेबल सुदर्शन शिंदे यांना कळताच त्यांनी घटनास्थळी दाखल होत अनेकांचा जीव वाचवला. त्यावेळी त्यांनी आपल्या मोबाईलच्या टॉर्चच्या सहाय्याने पबमध्ये अडकलेल्या लोकांना आपल्या खांद्यावर उचलून पबच्या बाहेर काढलं.
शिंदेंना दिलेल्या प्रशस्तीपत्रात महापौर विश्वनाथ महाडेश्वर यांनी म्हटलं आहे की, दुर्दम्य इच्छाशक्तीसोबतच तुम्ही दाखवलेल्या शौर्याबद्दल मला शहराचा प्रथम नागरिक असल्याचा गर्व आहे. मी मुंबईच्या सर्व नागरिकांच्यावतीने आपल्या प्रयत्नांचा आदर करतो"