महाराष्ट्र दुकाने आणि आस्थापना अधिनियम कायदा लागू करण्यात आला आहे. या अधिनियमांतर्गत सणांच्या कालावधीत रात्री ११ पर्यंत दुकान सुरु ठेवण्याची मुभा राज्य सरकारकडून देण्यात आली आहे. राज्यात अनेक सण उत्सव साजरे केले जातात. या कालावधीत विविध वस्तू व खाद्य पदार्थांची विक्री मोठ्या प्रमाणावर होत असते. या दृष्टीने हा निर्णय घेण्यात आला आहे.
सणांच्या दिवशी रात्री ११ पर्यंत दुकाने सुरु राहिली, तरी त्याबाबत कोणत्याही कर्मचाऱ्याला त्याच्या कामाच्या वेळेपेक्षा जास्त तास काम करावं लागत असेल, तर कामगारांना अधिनियमानुसार विहित करण्यात आलेल्या दरानुसार वेतन देण्यात यावं. तसेच साप्ताहिक सुट्यांचा लाभ न मिळाल्यास प्रत्येक कर्मचाऱ्याला साप्ताहिक सुट्टी देण्यात यावी. अशा सूचना कामगार आयुक्त कार्यालयीन परिपत्रकाद्वारे देण्यात आल्या आहेत.
हेही वाचा-
मुंबईकरांना मिळणार 'नाईटलाईफ'चा अनुभव, २४ तास खुली राहणार दुकानं