देशातील दुसरी काॅर्पोरेट ट्रेन तेजस एक्स्प्रेसला गुरूवारी रेल्वेमंत्री पियुष गोयल यांनी हिरवा झेंडा दाखवला. ही ट्रेन अहमदाबाद ते मुंबई या मार्गावर धावणार आहे. ही ट्रेन सुरू होताच चर्चेत आली ती ट्रेनमध्ये असलेल्या आलिशान सोई-सुविधांमुळे. सोशल मीडियावर #GoTejasGo हॅशटॅगही ट्रेंड करू लागला. नेमकी काय आहे खासबात या ट्रेनमध्ये चला बघूया.
केंद्र सरकारच्या माध्यमातून देशभरात खासगी स्वरूपात १५० ट्रेन चालवण्यात येणार आहेत. तर ५० रेल्वे स्थानकांचा खासगी ठेकेदारांच्या माध्यमातून विकास करण्यात येणार आहे. तेजस एक्स्प्रेस देखील याच योजनेचा हिस्सा आहे.
तेजस एक्स्प्रेसची वैशिष्ट्ये:
‘या’ स्थानकांवर थांबेल
ही ट्रेन अहमदाबादमधून सकाळी ६.४० वाजता सुटेल आणि दुपारी १.१० वाजता मुंबईत पोहोचेल. ही ट्रेन नाडियाड, वडोदरा, भरूच, सूरत, वापी आणि बोरीवली स्थानकांवर थांबेल.
‘एवढं’ असेल भाडं
अमदाबाद ते मुंबई दरम्यान एक्झिक्युटीव्ह चेयर कारचं तिकीट २३८४ रुपये असेल. यामध्ये बेस फेयर १८७५ रुपये, जीएसटी ९४ रुपये आणि केटरिंग चार्ज ४१५ रुपये असेल. तर एसी चेयर कारचं तिकीट १२८९ रुपये असेल. ज्यात बेस फेयर ८७० रुपये, जीएसटी ४४ रुपये आणि केटरिंग चार्ज ३७५ रुपये असेल.