एसटीनं प्रवास करणाऱ्या दिव्यांग प्रवाशांसाठी एक आनंदाची बातमी आहे. कारण आता दिव्यांग प्रवाशांसाठी प्रत्येक बस स्थानकावर व्हील चेअरची सुविधा उपलब्ध करून देण्यात येणार आहेत. याबाबत एसटी महामंडळानं राज्यातील प्रत्येक विभागाला सूचना दिल्या आहेत.
राज्यातील प्रत्येक बस स्थानकावर, आगार मुख्यालयातील बस स्थानकावर व्हील चेअरची व्यवस्था केली जाणार आहेत. येत्या १५ दिवसांत हि सुविधा उपलब्ध करून देण्यात येणार आहे. रेल्वेनं आणि विमानानं प्रवास करणाऱ्या दिव्यांग प्रवाशांना व्हील चेअरची सुविधा उपलब्ध करून देण्यात येते. मात्र, एसटीच्या प्रवाशांना अशी कोणत्याही प्रकारची सुविधा दिली जात नव्हती.
या प्रकरणी अनेक प्रवाशांनी तक्रार दाखल केली असून या तक्रांची दखल घेत दिव्यांग प्रवाशांना व्हील चेअरची सुविधा उपलब्ध करून देण्याचा निर्णय घेण्यात आला आहे. त्यानुसार, पहिल्या टप्प्यात आगारच्या मुख्यालयातील बस स्थानकं, तीर्थक्षेत्र आणि पर्यटन क्षेत्रातील बस स्थानकावर व्हील चेअर उपलब्ध करून दिली जाणार आहेत.
हेही वाचा -
आरेतील मेट्रो ३ प्रकल्पाच्या कारशेडला मुंबईकरांचा विरोध