आयपीएलच्या१३व्या हंगामातील मुंबई इंडियन्सचा दुसरा सामना कोलकाता नाईट रायडर्स विरुद्ध रंगला. या सामन्यात मुंबई इंडियन्सचा धडाकेबाज फलंदाज कायरन पोलार्ड याने एक विक्रम केला. कायरन पोलार्डने कोलकाता नाईट रायडर्स विरोधात खेळत असलेल्या सामन्यात १५०व्यांदा मुंबई संघाचे प्रतिनिधित्व केले.
मुंबईसाठी अनेक खेळाडू खेळले. त्यात सचिन तेंडुलकर, रोहित शर्मा यांसारख्या दिग्गज क्रिकेटपटूंचाही समावेश आहे. पण या दिग्गजांना जे शक्य झालं नाही ते पोलार्डने करून दाखवलं. मुंबईच्या संघाकडून १५० सामने खेळणारा पोलार्ड हा पहिला क्रिकेटपटू ठरला आहे. २०१० साली १० मे ला पोलार्डने मुंबई इंडियन्स संघातून आयपीएलमध्ये पदार्पण केले.
The first player to represent us in 150 @IPL games 👏👏
— Mumbai Indians (@mipaltan) September 23, 2020
Take a bow, Polly 💙#Polly150 #OneFamily #MumbaiIndians #MI #Dream11IPL #KKRvMI @KieronPollard55 pic.twitter.com/kphKMae6pV
चॅम्पियन्स लीग टी २० स्पर्धेत पोलार्डने त्रिनिदाद आणि तोबॅगो संघाकडून खेळताना उल्लेखनीय कामगिरी करून दाखवली होती. त्यानंतर त्याला मुंबईने संघात स्थान दिले होते. पोलार्डने आयपीएलमध्ये २०१० ते २०१९ दरम्यान एकूण १४८ सामन्यात मुंबईचे प्रतिनिधित्व केले आहे. त्याने २८.६९ च्या स्ट्राईक रेटने आतापर्यंत २ हजार ७५५ धावा केल्या आहेत.
१८१ चौकार आणि १७६ षटकारांच्या सहाय्याने त्याने ही कामगिरी केली आहे. पोलार्डला अद्याप आयपीएलमध्ये शतक झळकावता आलेले नाही, पण त्याने १४ अर्धशतके झळकावली आहेत. त्याची वैयक्तिक सर्वोत्तम धावसंख्या ८३ आहे. गोलंदाजीतही त्याच्या नावावर ५६ बळी आहेत. मात्र गेली दोन वर्षे त्याने मुंबईकडून गोलंदाजी केलेली नाही.
Share
Tweet
