इन्स्टाग्रामवर झालेल्या मैत्रीनंतर मैत्रीणीच्या घरीच १३ लाख रुपयांची चोरी करणा-या १९ वर्षीय तरुणाला नुकीतच कुलाबा पोलिसांनी अटक केली.मित्राला भेटायला गेली असताना तक्रारदाराची मुलगी आरोपी तरूणाकडे घराची चावी विसरली होती. त्याच्या सहाय्याने ही चोरी करण्यात आली. आरोपीकडून सुमारे तीन लाख रुपयांचा मुद्देमाल हस्तगत करण्यात पोलिसांना यश आले आहे.
कुलाब्यातील एका चार्टर्ड अकाउंटंट कुटुंबियांसोबत परराज्यात गेला होता. परत आल्यानंतर त्याच्या घऱातून रोख रक्कम, सोन्याचे दागिने असा १३ लाख रुपयांचा मुद्देमाल चोरीला गेला होता. याप्रकरणी २७ जानेवारीला तक्रार केली असता पोलिसांनी चोरीचा गुन्हा दाखळ केला. पण घरात कोणतीही तोडफोड न करता चोरी झाल्यामुळे पोलिसही चक्रावून गेले होते. त्यामुळे ओळखीच्या व्यक्तीनेच चोरी केल्याचा संशय बळावला. यावेळी कुटुंबियांनी त्यांची मुलीला विश्वासात घेतले असता तिने आपल्या जवळच्या मित्राकडे चावी विसरली असल्याचे सांगितले. त्या चावीचा वापर करून तिच्या १९ वर्षीय मित्रानेच घरात चोरी केल्याचे तपासात निष्पन्न झाले. त्यानुसार या मुलाला ताब्यात घेतले असता त्याने गुन्हा केल्याचे मान्य केले. त्याच्याकडून दोन लाखांची रोख व महागडा आयफोन पोलिसांनी जप्त केला असून त्याला याप्रकरणी अटक केली.
१९ वर्षीय आरोपीही उच्चभ्रू कुटुंबातील असून माझगाव येथ राहतो. आरोपी व तक्रारदार याची मुलगी यांची इन्स्टाग्रावर मैत्री झाली होती. त्यातून दोघेही एकमेकांना भेटत होते. मुलीकडील चावी आरोपीकडे आल्यानंतर त्याला मैत्रीणीच्या घरातील व्यक्ती बाहेरगावी जाणार असल्याची माहिती मिळाली. त्यानुसार त्याने हा चोरीचा कट रचला. दोघेही मुले चांगल्या घरातील आहे. पण उच्चभ्रू जीवन जगण्यासाठी त्याने ही चोरी केल्याचे प्राथमिक चौकशीत सांगितले आहे. तरी पोलीस आरोपीकडे याबाबत अधिक चौकशी करत आहेत
Share
Tweet
