ट्विटर हॅकिंगपासून सावध रहा, सायबर पोलिसांचं आवाहन

काही जगप्रसिद्ध व्यक्ती जसे की अमेरिकेचे माजी राष्ट्राध्यक्ष बाराक ओबामा ,बिल गेट्स ,जेफ बेझो , उबेर व अँपल कंपन्यांची ट्विटर अकाउंट्स हॅक केली आहेत गेली आहेत. तसेच वरील व्यक्तींच्या नावाचे ट्विट पाठवून काही ठराविक रक्कम  इनाम म्हणून पण जाहीर करण्यात आली आहे. तसेच हॅक झालेल्या अकाउंट्स वरून काही फेक लिंक्स पण टाकण्यात आल्या होत्या. ज्या अन्वये सायबर भामट्यांच्या खात्यात साधारणपणे १.२ लाख डॉलर किमतीच्या बिटकॉईन्स जमा करून घेतल्या झाल्याचा अंदाज आहे . अशा बातम्या सध्या सोशल मिडायावर मोठ्या प्रमाणात वायरल होत आहेत.

हेही वाचाः- मुसळधार पावसाने मुंबईचे केले ‘इतके’ नुकसान

पैशांसाठी हॅकर्सने हा उद्योग केल्यानंतर . ट्विटर support नी सदर प्रकार ओळखून या बाबत योग्य उपाय योजना व तांत्रिक खबरदारी घेऊन सदर प्रकार अजून जास्त प्रमाणात वाढण्यापासून थांबविला. भारतीय प्रमाण वेळेनुसार १६ जुलै २०२० च्या मध्यरात्री ०१:३० वाजता हा प्रकार  घडला. त्यामुळे ट्विटरचे काही features व सोयी काही ठराविक काळाकरिता उपलब्ध नव्हत्या, या आंतरराष्ट्रीय घडामोडींचा मागोवा घेऊन ,महाराष्ट्र सायबरने या संदर्भात ट्विटर इंडियाला लगेच सूचना दिल्या आहेत. कि त्यांनी भारतातील सर्व नागरिकांच्या, महत्वाच्या व्यक्तींचे व संस्थांचे अधिकृत blue tick ट्विटर अकाउंट्स व त्या अकाउंट मधील सर्व डेटा व त्या अकाऊंटची privacy ची काळजी घ्यावी,  त्याकरिता त्यांनी आवश्यक ते तांत्रिक बदल आपल्या सायबर सुरक्षा प्रणालीमध्ये करून घ्यावे . कोरोना महामारीच्या काळात आधीच तणावपूर्ण वातावरण असताना असे काही प्रकार घडू नयेत .जर कोणत्याही अकॉउंट वरून काही चुकीची माहिती प्रसारित झाली तर त्यामुळे राज्यात गोंधळ पसरून कायदा व सुव्यवस्थेचा प्रश्न निर्माण होऊ शकतो.

हेही वाचाः- फोर्ट परीसरात ५ मजली इमारत कोसळली, रेस्क्यू ऑपरेशन सुरू

महाराष्ट्र सायबरने ट्विटर इंडियाला असे देखील सूचित केले आहे कि माहिती व तंत्रज्ञान कायदा २००० कलम  ७९(३)( ब) अन्व्ये सदर सर्व ट्विटर अकाउंट्सच्या सुरक्षिततेची जवाबदारी हि ट्विटर इंडियाची आहे. तसेच अशाच प्रकारच्या माहिती व तंत्रज्ञान कायदा २००० कलम ७९(३)(बी) अन्व्ये नोटीस महाराष्ट्र सायबरने  अन्य सोशल मिडिया platforms(Facebook, whatsapp, instagaram etc) ना पण पाठवून त्यांना ही सर्व नागरिकांच्या प्रोफाईल व डेटा व privacy ची सुरक्षा राखण्याबाबत सांगितले आहे .

नागरिकांना आवाहन

महाराष्ट्र सायबर सर्व नागरिकांना विनंती करते कि

१) कृपया आपल्या ट्विटर व अन्य सोशल मिडिया अकाउंट्सचा पासवर्ड नियमितपणे बदलत राहा .

२) ट्विटर येणाऱ्या व कोणत्याही सेलिब्रिटी किंवा blue tick verified अकाउंटने एखादी बातमी ट्विट केली तर आंधळेपणाने ती retweet करू नका आधी सदर बातमीची खातरजमा करून घ्या .

३) कोणत्याही सेलिब्रिटी किंवा blue tick verified अकाउंटवरून जर काही मेसेज किंवा काही पैसे मिळतील अशा संदर्भात कोणती scheme किंवा offer आली तर त्यावर विश्वास ठेवून क्लिक करू नका. असे आवाहन महाराष्ट्र सायबर विभागामार्फत करण्यात येत आहे.

बिटकॉईन करन्सी काय आहे?

प्रत्येक देशाची एक करन्सी असते. आपल्या देशाची करन्सी म्हणजेच चलन रुपया आहे. त्याचप्रमाणे दुसऱ्या देशांच्याही करन्सी असतात आणि ही करन्सी त्या देशातील केंद्रीय बँकेद्वारे रेग्युलेट होत असते. या उलट बिट कॉईन कोणत्याही एका देशाची करन्सी नाही. ही एक डिजीटल करन्सी आहे. ही करन्सी कोणत्या एका देशासाठी नसते. याला क्रिप्टोकरन्सी म्हणतात. ही क्रिप्टोग्राफीसाठी वापरली जाते. या करन्सीला डिजीटल पद्धतीने बनवण्यात आलेआहे. याच्या माध्यमातून आपण कोणतीही गोष्ट खरेदी करू शकतो. याची ट्रेडिंगही होते. हे विकून पैसेही कमावता येतात.