कौतुकास्पद! मास्क न घातल्याप्रकरणी मंगळवारी एकही गुन्हा नाही

मुंबईत कोरोनाचे दिवसेंदिवस नवे रुग्ण समोर येत असल्याने चिंताजनक वातावरण आहे. त्यामुळे शहरात मास्क वापरणे सक्तीचे असताना ही काही बेजबाबदार लोकांकडून मास्क घातले जात नव्हते. अशांवर पोलिसांनी थेट गुन्हे नोंदवण्यास सुरूवात केल्यानंतर मंगळवारी पोलिसांच्या प्रयत्नांना यश आले. मंगळवारी मुंबईत मास्क न घातल्या प्रकरणी एक ही नोंदवण्यात आलेला नाही.

मुंबईत सध्या कोरोनाची दहशत असतानाच, खबरदारी म्हणून तोडांला मास्क लावा असे सांगून देखील काही बेशिस्त नागरिक मास्क न वापरता फिरायचे अशा मास्क न वापरणाऱ्यां आतापर्यंत 1240 जणांवर पोलिसांनी आतापर्यंत कारवाईचा बडगा उगारला आहे. त्या शिवाय 5 पेक्षा जास्त व्यक्तींनी जमणे, कलम 188 चे उल्लघंन केल्याप्रकरणी पोलिसांनी आतापर्यंत 11 हजार 031 जणांवर गुन्हे नोंदवलेले आहेत. नागरिकांनी गरजे व्यतिरिक्त बाहेर पडू नये, पाच पेक्षा जास्त व्यक्तींनी एकञ जमू नये, तसेच तोंडाला मास्क वापरणे सक्तीचे केले असताना. अनेकदा बेशिस्त नागरिक   या नियमांची पायमल्ली करताना दिसतात.

माञ पोलिसांनी वेळोवेळी उचललेल्या पाऊलांमुळे आता त्यांच्या प्रयत्नांना यश येताना दिसत आहे. ऐरवी दिवसाला  अंदाजे 50 हून अधिक गुन्हे मास्क न घालणाऱ्यांविरोधात नोंदवले जात होते. अशांवर पोलिसांनी गुन्हे दाखल करण्यास सुरूवात केली. माञ कोरोनाचा वाढता प्रादुर्भाव लक्षात घेऊन, कोरोना या महामारीला मुंबईकरांनी गांभीर्याने घेतल्याचे दिसून आले आहे. म्हणूनच मंगळवारी मास्क न घातल्याप्रकरणी मुंबई पोलिसांनी एक ही गुन्हा नोंदवल्याचे त्यांच्या आकडेवारीतून स्पष्ट होत आहे. माञ असे असले तरी सोशल डिस्टंसिंगबाबत नागरिक तितकेसे गंभीर असल्याचे अजून ही दिसत नाही. मुंबईत पाच पेक्षा जास्त व्यक्तींनी गर्दी करू नये असे सांगून सुद्धा न ऐकणाऱ्यांविरोधात पोलिसांनी आतापर्यंत 3832 गुन्हे नोंदवण्यात आले आहे आणि हिच बाब चिंतेची आहे.