Advertisement

'असुर'चा सीझन 2 'या' दिवशी रिलीज होणार, पण VOOT वर नाही...

अर्शद वारसी आणि बरुण सोबती या दोघांच्या कामाचे खूप कौतुक झाले

'असुर'चा सीझन 2 'या' दिवशी रिलीज होणार, पण VOOT वर नाही...
SHARES

सायको थ्रिलर या पठडीत मोडणारी असूर ही सिरीज प्रेक्षकांच्या चांगलीच पसंतीस उतरली. लॉकडाऊन म्हणजे 2020मध्ये या सिरिजचा पहिला भाग लाँच झाला होता. त्यानंतर या सिरिजच्या पुढच्या सीझनची चाहते आतुरतेने वाट बघत होते.

अर्शद वारसी आणि बरुण सोबती या दोन्ही अभिनेत्यांच्या कामाची प्रचंड प्रशंसा झाली. आता मात्र ही प्रतीक्षा संपली आहे कारण लवकरच ‘असुर’चा सीझन 2 प्रेक्षकांच्या भेटीला येणार आहे.

‘असुर’चा पहिला सीझन ‘वूट’ या ओटीटी प्लॅटफॉर्मवर प्रदर्शित झाला होता. आता मात्र याचा पुढील सीझन हा ‘जिओ सिनेमा’ या ओटीटी प्लॅटफॉर्मवर प्रदर्शित होणार आहे. नुकतंच जिओने एका व्हिडिओमधून येणाऱ्या बऱ्याच वेबसीरिज आणि चित्रपटांबद्दल माहिती दिली. यात ‘असुर २’चा देखील समावेश आहे.

या व्हिडीओमध्ये ‘असुर’च्या दुसऱ्या सीझनची काही झलक पाहायला मिळाली आहे, पण अद्याप याचा टीझर किंवा ट्रेलर प्रदर्शित झालेला नाही शिवाय याच्या प्रदर्शनाच्या तारखेबद्दलही काही माहिती समोर आलेली नाही.
या वेबसीरिजमध्ये अर्शद वारसी, वरुण सोबती, रिद्धी डोग्रा, आणि अनुप्रिया गोएंका हे कलाकार मुख्य भूमिकांमध्ये आहेत.


हेही वाचा

अजय देवगनच्या भोला चित्रपटाचा प्राइमवर खास प्रीमियर

अनुपमा मालिकेत भूमिका साकारणारे नितीश पांडे यांचे निधन

Read this story in English or हिंदी
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा