कनिष्ठ महाविद्यालयीन शिक्षकांच्या मान्य मागण्यांची अंमलबजावणी आणि पूर्ततेसाठी महाराष्ट्र राज्य कनिष्ठ महाविद्यालयीन शिक्षक महासंघातर्फे राज्यात ५ टप्प्यात आंदोलन करण्यात येत आहे. आता आंदोलनाचा चौथा टप्पा २ फेब्रुवारी रोजी होणार असून या दिवशी राज्यातील सर्व कनिष्ठ महाविद्यालये (ज्युनिअर कॉलेज) बंद राहणार आहेत. या आंदोलनादरम्यान जिल्हा शिक्षणाधिकारी कार्यालयासमोर आणि मुंबईत आझाद मैदान येथे 'जेलभरो' आंदोलन करण्यात येणार आहे.
'शासनाने तातडीने मागण्यांच्या अंमलबजावणीबाबत आदेश न काढल्यास आंदोलन अधिक तीव्र करण्यात येईल. नाईलाजाने १२ वी बोर्ड परीक्षेच्या काळात 'बहिष्कार आंदोलन' करण्यात येईल आणि त्याची संपूर्ण जबाबदारी शासनाची असेल,' असा इशारा संघटनेतर्फे देण्यात आला आहे.
वरील मागण्यांसह अन्य ३२ मागण्यांचे निवेदन शासनास देण्यात आल्याचे म. रा. कनिष्ठ महाविद्यालयीन शिक्षक महासंघाचे अध्यक्ष अनिल देशमुख यांनी सांगितलं.
Share
Tweet
