भारतीय क्रिकेट टीमचा कॅप्टन विराट कोहली आणि अभिनेत्री अनुष्का शर्मा ही जोडी अखेर विवाह बंधनात अडकली. इटलीतल्या मिलान इथं या दोघांचा विवाह संपन्न झाला. दोघांचं लग्न हिंदू पद्धतीनं झालं. काही मोजक्याच पाहुण्यांच्या उपस्थितीत हा विवाहसोहळा पार पडला. विराट आणि अनुष्काच्या चाहत्यांसाठी ही नक्कीच आनंदाची बातमी आहे.
Today we have promised each other to be bound in love forever. We are truly blessed to share the news with you. This beautiful day will be made more special with the love and support of our family of fans & well wishers. Thank you for being such an important part of our journey. pic.twitter.com/Scobdiqk7l
— Anushka Sharma (@AnushkaSharma) December 11, 2017
एका मॅगझिनला दिलेल्या मुलाखतीत अनुष्का शर्मानं म्हटलं होतं की, मी कधी लग्न केलं, तर इटलीच्या वाईन यार्ड इथं लग्न करीन. त्यानुसार इटलीमध्ये हा विवाह संपन्न झाला. वाईन यार्ड इटलीपासून चार तासांवर आहे. यार्डमध्ये जवळपास ५० पाहुणे राहू शकतात.
गेल्या अनेक दिवसांपासून विराट आणि अनुष्काच्या लग्नाची चर्चा सुरू होती. ९,१०,११ आणि १२ असे चार दिवस हा लग्नसोहळा रंगणार अशी जोरदार चर्चा सुरू होती. पण अनुष्का शर्माच्या प्रवक्त्यानं लग्नाची बातमी फेटाळून लावली होती. अखेर ही बातमी खरी ठरली असून विरुष्का लग्नबंधनात अडकले आहेत.
१० डिसेंबरपासून सुरु झालेल्या श्रीलंका-भारत यांच्यातील एकदिवसीय मालिकेतून विराटला विश्रांती देण्यात आली आहे. सूत्रांच्या माहितीनुसार, विराटनं बीसीसीआयकडे सुट्टीसाठी अर्ज केला होता. अर्जात विराटनं सुट्टीचं कारण खाजगी असल्याचं म्हटलं होतं. फक्त एवढंच नाही, तर अनुष्कानं डिसेंबरमध्ये शुटिंग करणार नसल्याचं निर्माता-दिग्दर्शकांना आधीच बजावलं होतं. त्यामुळे विराट आणि अनुष्का ही जोडी लग्न करणार या चर्चांना उधाण आलं. त्यात दोघांचं कुटुंब इटलीसाठी रवाना झालं. त्यामुळे त्यांचं लग्न होणार यावर शिक्कामोर्तब झालं होतं.
हेही वाचा
Share
Tweet
