नेहमीच आव्हानात्मक भूमिकांच्या शोधात असलेला अभिनेता मंगेश देसाईनं 'लाल बत्ती' या चित्रपटासाठी पोलिसांचं ट्रेनिंग घेतल्याची एक्सक्लुझीव्ह बातमी तुम्ही वाचली असेलच. मंगेशची आणखी एक बातमी नुकतीच आली आहे. छोट्या पडद्यावर मंगेश एका पीएचडी शिक्षकाची भूमिका साकारत आहे.
'झी युवा' वाहिनीवरील 'कट्टी बट्टी' या मालिकेत मंगेशही दिसणार आहे. अहमदनगरमध्ये राहणाऱ्या पूर्वा आणि पराग यांच्या मोडलेल्या लग्नाची आणि जुळलेल्या प्रेमाची गोष्ट 'कट्टी बट्टी' या मालिकेत पाहायला मिळत आहे. यात पुष्कर सरद हा परागची, तर अश्विनी कासार ही पूर्वाची भूमिका साकारत आहे. या मालिकेत पराग आणि पूर्वाचं लग्न मोडल्याचं आपण पाहिलं. आता पूर्वा आपलं शिक्षण पूर्ण करण्यावर फोकस करणार आहे.
आयुष्यात पूर्वा जेव्हा गोंधळून जाते, तेव्हा पीएचडीसाठी गाईड करणाऱ्या पाठारेसरांची भेट घेते. या पाठारे सरांची भूमिका मंगेश साकारत आहे. हे नगरमधील एक हुषार आणि बुध्दिमान व्यक्तिमत्त्व आहे. शिस्तप्रिय, वेळेला महत्त्व देणाऱ्या आणि शिक्षणाला प्राधान्य देणाऱ्या पाठारे सरांचं मार्गदर्शन पूर्वासाठी नेहमीच मोलाचं ठरलं आहे. पीएचडीसोबतच आयुष्यात येणाऱ्या संकटांचा सामना कसा करायचा हे देखील पाठारेसर पूर्वाला शिकवत असतात.
हेही वाचा
Share
Tweet
