कल्याण डोंबिवली महानगरपालिका क्षेत्रात सोमवारी कोरोनाचे नवीन ४२७ रूग्ण सापडले आहेत. तर ९ जणांचा मृत्यू झाला आहे. येथील कोरोना रुग्ण संख्येने आता १३ हजारांचा टप्पा ओलांडला आहे. सोमवारी ५४ रुग्ण बरे होऊन घरी परतले आहेत.
पालिका क्षेत्रातील कोरोना रुग्णांची एकूण संख्या १३२४० झाली असून यामध्ये ६६३३ रुग्ण उपचार घेत आहेत. ६४०९ रूग्णांना डिस्चार्ज देण्यात आला आहे. तर आतापर्यत १९८ जणांचा मृत्यू झाला आहे. नवीन ४२७ रूग्णांमध्ये कल्याण पूर्व -६२, कल्याण प.-११६, डोंबिवली पूर्व -१३७, डोंबिवली प-७७, मांडा टिटवाळा- १०, मोहना – २३ तर पिसवली येथील २ रुग्णांचा समावेश आहे. मागील ३ दिवस कोरोना रुग्णांची संख्या ६०० च्या वर जात होती. हीच रुग्ण संख्या सोमवारी ५०० च्या आत असल्याने काहीसा दिलासा मिळाला आहे.
Sealed Building List Mumbai : मुंबईतील सील केलेल्या इमारतींची 'ही' आहे यादी
उद्धवा! लाॅकडाऊन की अनलाॅक, काय ते ठरवा!!