मीरा भाईंदरमध्ये आढळले कोरोनाचे ४४ नवे रुग्ण, दोघांचा मृत्यू

मीरा भाईंदरमध्ये बुधवारी १८ नोव्हेंबर रोजी COVID 19 चे ४४  नवीन रुग्ण आढळले आहेत. मीरा-भाईंदर महानगरपालिका (MBMC)च्या म्हणण्यानुसार कोरोनामुळे मंगळवारी ३ रुग्णांचा मृत्यू झाला आहे.

कोरोनाचे वाढते रुग्ण आणि मृत्यूची आकडेवारी एमबीएमसीसाठी निश्चितच चिंताजनक आहे. सरकार त्यापासून बचाव करण्यात गुंतलेलं असलं तरी, मीरा-भाईंदरमध्ये कोरोनाचा प्रादुर्भाव वाढतच चाचला आहे.

मीरा-भाईंदरमध्ये आतापर्यंत कोरोनाचे एकूण २३ हजार ४६७ पॉझिटिव्ह रुग्ण आढळले आहेत. तर कोरोनामुळे  आतापर्यंत ७४९ जणांना आपला जीव गमवावा लागला आहे.

बुधवारी, मीरा-भाईंदरमध्ये ४४ नवीन कोरोना रुग्ण आढळले आहेत. त्यामुळे आता कोरोना रुग्णांचा एकूण आकडा २३ हजार ४६७ वर पोहचला आहे. तसंच या आजारानं मृतांचा आकडा ७४९ वर पोहोचला आहे. बुधवारी, ५५ लोक कोरोनातून बरे झाले आहेत. त्यानुसार बरे झालेल्या रुग्णांचा आकडा २२ हजार २०४ च्या घरात गेला आहे.

मीरा भाईंदर या भागात कोरोना रुग्णांचा आकडा विभागल्यास बुधवारी भाईंदर पूर्वेतील १५, भाईंदर पश्चिममधील ७ आणि मीरा रोडमधील २२ रुग्ण नोंदवण्यात आली आहेत.