देशात ब्लॅक फंगस (Black Fungus) आणि नंतर व्हाइट फंगसचं (White Fungus) संकट उभं ठाकलं आहे. हे कमी की काय म्हणून आता यलो फंगसचंही (Yellow fungus) नवं संकट ओढावलं आहे. देशात यलो फंगसचा पहिला रुग्ण सापडला आहे.
उत्तर प्रदेशातील गाझियाबादमध्ये यलो फंगसचं पहिलं प्रकरण दिसून आलं आहे. ४५ वर्षांच्या व्यक्तीला यलो फंगसचा संसर्ग झाला आहे. यलो हा फंगस ब्लॅक आणि व्हाइटपेक्षाही अधिक भयंकर असल्याचं सांगितलं जातं आहे.
कान-नाक-घसा तज्ज्ञ डॉ. बीपी त्यागी यांनी सांगितलं, सीटी स्कॅनमध्ये ४५ व्यक्तीचं सायनस सामान्य होतं. पण जेव्हा आम्ही एन्डोस्कोपी केली तेव्हा त्याला ब्लॅक, व्हाइट आणि यलो असे तीन प्रकारचे फंगल इन्फेक्शन असल्याचं समजलं.
सामान्यपणे यलो फंगस सरपटणाऱ्या प्राण्यांमध्ये आढळतं. पहिल्यांदाच हे माणसांमध्ये दिसून आलं आहे. कोणत्याही जनरलमध्ये याबाबत काही माहिती नाही. हा संसर्ग Amphotericin B नं बरा होऊ शकतो, पण व्हाइट आणि ब्लॅक फंगसच्या तुलनेत यलो फंगसमध्ये जखम बरी होण्यास वेळ लागतो.
पिवळा फंगस हा एक जीवघेणा रोग आहे. कारण त्याची सुरुवात आंतरिकरित्या होते आणि म्हणूनच आपल्याला लक्षणं दिसल्यास उपचार सुरू करणं महत्त्वाचं आहे.
अस्वच्छतेमुळेही हा आजार होऊ शकतो. त्यामुळे स्वच्छता राखा. शिळं किंवा खराब अन्न जास्त काळ ठेवू नका. आपल्या आजूबाजूस जास्त घाण पिवळ्या बुरशीचे मुख्य कारण असू शकते. म्हणूनच, आपल्या घराभोवती स्वच्छता ठेवणे महत्त्वाचं आहे. जेणेकरून बॅक्टेरिया किंवा बुरशीचा विकास होणार नाही.
हेही वाचा