कोरोना रुग्णांना बेड उपलब्ध होण्यासाठी मुंबई महापालिकेने वॉर्ड स्तरावर डॅश बोर्ड तयार केला आहे. कोरोना रुग्णांना बेड हवा असल्यास त्यांना त्या वॉर्डमधील कंट्रोल रुमला कॉल करावा लागेल. कोणत्या रुग्णालयात बेड उपलब्ध आहेत याची माहिती कोरोना रुग्णांना मिळणार आहे. वॉर्डमधील रुग्णालयात किंवा कोविड केअर सेंटरमध्ये जागा नसल्यास दुसऱ्या वॉर्डमध्ये बेड उपलब्ध असल्यास तिथे रूग्णाला हलवलं जाईल. गुरुवारपासून या सुविधेला सुरूवात झाली.
मुंबईत दिवसेंदिवस कोरोनाचे रुग्ण वाढत आहेत. त्यामुळे अनेक रुग्णांना रुग्णालयात बेड मिळत नसल्याच्या तक्रारी करण्यात आल्या होत्या. या पार्श्वभूमीवर मुंबईत पालिका आयुक्त चहल यांनी विभाग कार्यालयात वॉर रुम स्थापन करण्याचे आदेश दिले होते. रोज सकाळी 8 वाजता साथ नियंत्रण विभागाकडून या वॉर रूमला पॉझिटिव्ह रुग्णांची यादी ऑनलाईन दिली जाईल. ही यादी मिळताच वॉर रूममधील डॉक्टरांकडून पॉझिटिव्ह रुग्णांना लक्षणे आहेत की नाहीत, याची माहिती घेऊन ते ज्या विभागात राहतात त्याची माहिती घेऊन त्यांना हॉस्पिटलमध्ये दाखल करावे, केअर सेंटरमध्ये क्वारंटाईन करावे की घरातच क्वारंटाईन करावे यावर निर्णय घेतला जाणार आहे.कोविड-१९ बाबत खाट (बेड) उपलब्धता, इतर माहिती यासाठी जनतेच्या दूरध्वनींना अधिक जलद प्रतिसाद देण्यासाठी बृहन्मुंबई महापालिकेने विभागीय नियंत्रण कक्ष (वॉर्ड वॉर रुम) सुरू केले आहेत.
— माझी Mumbai, आपली BMC (@mybmc) June 10, 2020
आता मुंबईकर थेट या कक्षांशी संपर्क साधू शकतात.#BlessedToServe#AnythingForMumbai#NaToCorona pic.twitter.com/TlHiuQnvUY
मुंबईत ७९८ कंटेन्मेंट झोन, 'ही' आहे कंटेन्मेंट झोनची यादी
'असे' आहेत मिरा-भाईंदरमध्ये कंटेन्मेंट झोन