मुख्यमंत्री एकनाथ शिंदे यांनी मंगळवारी मुख्यमंत्री वैद्यकीय सहाय्यता निधीच्या लाभार्थ्यांसाठी मोबाईल अॅप आणि व्हॉट्सअॅप हेल्पलाइन सुरू केली. तर, सह्याद्री अतिथीगृह येथे गंभीर आजारातून यशस्वीरित्या बरे झालेले रुग्ण आणि त्यांच्या नातेवाईकांसाठी आनंद मेळावा आयोजित करण्यात आला होता.

यावेळी व्यासपीठावर विधान परिषदेचे उपसभापती डॉ. नीलम गोरे, कौशल्य विकास मंत्री मंगल प्रभात लोढा, मुख्यमंत्र्यांचे प्रधान सचिव विकास खारगे, विधिमंडळ सचिव जितेंद्र भोळे, श्रीमती चित्रा वाघ, मुख्यमंत्री मदत कक्षाचे मंगेश चिवटे आदी मान्यवर उपस्थित होते.

रुग्ण आणि त्यांच्या नातेवाईकांशी संपर्क साधण्यासाठी 8650567567 हा हेल्पलाइन क्रमांक सुरू करण्यात आला आहे. मुख्यमंत्री एकनाश शिंदे यांनी यावेळी सांगितले की, मुख्यमंत्री सहायता निधीतून एक वर्ष आणि एक महिन्यात 12 हजार 500 रुग्णांना लाभ देण्यात आला आहे.

यावेळी मेडिकल एड मॅन्युअलच्या पाचव्या आवृत्तीचे आणि बाळासाहेब ठाकरे यांच्या विचारधारेवर आधारित ‘रोखठोक’ या पुस्तकाचे प्रकाशनही करण्यात आले. यावेळी मुख्यमंत्री हेल्प डेस्कच्या माध्यमातून एक वर्षाचा आढावा घेणारी चित्रफीत दाखविण्यात आली.

मुख्यमंत्री एकनाथ शिंदे म्हणाले की, "राज्यातील प्रत्येक नागरिकाची सर्व शासकीय रुग्णालयांमध्ये मोफत तपासणी आणि उपचार करण्याचा महत्त्वपूर्ण निर्णय शासनाने घेतला आहे. ही योजना आजपासून लागू करण्यात येत आहे, तर मुख्यमंत्री मदतनिधीतून रुग्णांना मदतही करत आहोत. वर्षभरात 100 कोटींचा आकडा कधी गाठला, हेही समजले नाही, मदतीचा हात पुढे केल्यावर मी मोजत नाही, मुख्यमंत्री सहायता निधी हा माझ्यासाठी आवडीचा विषय आहे आणि काही गोष्टी त्यात बसत नाहीत."

हेही वाचा

इर्शाळवाडीतील रहिवाशांचे ६ महिन्यांत कायमस्वरूपी पुनर्वसन होणार

नवी मुंबईतील 'या' दोन तलावांचे होणार सुशोभीकरण