मुंबईत जुलै 2026 मध्ये पावसाळी आजारांच्या रुग्णसंख्येत मोठी वाढ झाली असून, त्यानंतर बृहन्मुंबई महानगरपालिका (BMC) प्रशासनाने रोगनियंत्रण, डास प्रतिबंधक मोहिमा आणि आरोग्य तपासणी अधिक तीव्र केली आहे.

BMCच्या ताज्या मासिक आरोग्य अहवालानुसार, मलेरिया, डेंग्यू, लेप्टोस्पायरोसिस, गॅस्ट्रोएन्टेरायटिस, H1N1 (स्वाईन फ्लू) आणि कोविड-19 रुग्णसंख्येत जूनच्या तुलनेत लक्षणीय वाढ झाली आहे.

जुलैमध्ये कोणत्या आजारात किती वाढ?

• मलेरियाच्या रुग्णांमध्ये 110 टक्क्यांहून अधिक वाढ

• लेप्टोस्पायरोसिसमध्ये 136 टक्क्यांहून अधिक वाढ

• डेंग्यू, गॅस्ट्रोएन्टेरायटिस, कोविड-19 आणि H1N1च्या रुग्णसंख्येतही मोठी वाढ नोंदवली गेली.

BMCची मोठी आरोग्य मोहीम

26 जुलैपर्यंत BMCने शहरभर व्यापक आरोग्य तपासणी मोहीम राबवली.

• 6,51,336 घरांचे सर्वेक्षण

• 23,09,842 नागरिकांची आरोग्य तपासणी

• 75,650 रक्तनमुने तपासणीसाठी संकलित

• 123 आरोग्य शिबिरांचे आयोजन

• 52 हजारांहून अधिक नागरिकांना लेप्टोस्पायरोसिस प्रतिबंधक औषधोपचार

डास नियंत्रणासाठी विशेष मोहीम

मलेरिया नियंत्रण

• 54,604 संभाव्य डास प्रजननस्थळांची तपासणी

• 4,569 ठिकाणी डासांची पैदास आढळली

डेंग्यू नियंत्रण

• 10,99,325 संभाव्य प्रजननस्थळांची तपासणी

• 29,824 ठिकाणी एडीस डासांची पैदास आढळली

• 2,535 टाकाऊ टायर हटवले

• 64,546 भंगार वस्तू हटवून पाणी साचण्याची ठिकाणे नष्ट केली

फॉगिंग आणि उंदीर नियंत्रण

• 42,284 इमारतींमध्ये फॉगिंग

• 5,54,092 चाळी आणि झोपडपट्ट्यांमध्ये फवारणी

• 2,623 उंदीर पिंजऱ्यात पकडले

• 583 उंदीर रॉडेन्टिसाइडद्वारे नष्ट

• एकूण 3,206 उंदरांवर नियंत्रण

BMCने ओळखले हॉटस्पॉट

मलेरिया

• भायखळा

• मदनपुरा

• माझगाव

• अंधेरी

• अंबोली

• बीडीडी चाळ

• सायन

• परळ

• भोईवाडा

लेप्टोस्पायरोसिस

• जीटीबी नगर

• शिवाजीनगर

• साकीनाका

• धारावी

• टी वॉर्ड परिसर

गॅस्ट्रोएन्टेरायटिस

• कुर्ला

• वांद्रे

• अंधेरी

• घाटकोपर

• खार

नागरिकांसाठी BMCचा सल्ला

• घर आणि परिसरात पाणी साचू देऊ नका.

• फुलदाण्या, बादल्या, टायर आणि इतर भांड्यांतील पाणी नियमित बदलून स्वच्छ ठेवा.

• डास प्रतिबंधक क्रीम किंवा स्प्रे वापरा आणि पूर्ण अंग झाकणारे कपडे घाला.

• उकळलेले किंवा शुद्ध केलेले पाणीच प्या.

• हातांची स्वच्छता राखा.

• अस्वच्छ ठिकाणचे अन्न खाणे टाळा.

• पाणी साचलेल्या भागातून जाताना पादत्राणे वापरा.

• ताप, अंगदुखी, जुलाब, उलट्या, खोकला किंवा श्वास घेण्यास त्रास झाल्यास तातडीने डॉक्टरांचा सल्ला घ्या.

BMCने विशेषतः लहान मुले, ज्येष्ठ नागरिक आणि दीर्घकालीन आजार असलेल्या व्यक्तींनी पावसाळ्यात अधिक काळजी घेण्याचे आवाहन केले आहे.

हेही वाचा

नवी मुंबईतील धोकादायक इमारतींवर NMMCची कारवाई