रिलायन्सने फक्त २ आठवड्यांत उभारलं कोरोना पेशंटसाठी हॉस्पिटल

परदेशातून आलेल्या व्यक्तींना कॉरेंटाईनमध्ये ठेवलं जात आहे. यासाठी सर एच. एन. रिलायन्स फाऊंडेशन विशेष वैद्यकीय सुविधा उपलब्ध करुन देणार आहे. यामुळे विलगीकरणासाठी आवश्यक असलेल्या सुविधा तातडीने मिळतील आणि रुग्णांवर चांगल्या पद्धतीने उपचार केले जातील, असं रिलायन्सकडून सांगण्यात आलं आहे.


रिलायन्स लाईफ सायन्सकडून करोनाची चाचणीसाठी आवश्यक किट्स आणि साहित्य आयात केली जात आहेत. रिलायन्सचे डॉक्टर आणि संशोधक ओव्हर टाइम करुन या जीवघेण्या व्हायरसविरोधात लढा देत आहेत, अशी माहिती कंपनीने दिली. रिलायन्स प्रति दिन १० लाख मास्क निर्मिती करण्याची तयारी करत आहे. यासोबतच खाजगी सुरक्षा साहित्य निर्मिती करण्यावरही भर दिला जात आहे. कोरोना  व्हायरसविरोधात दोन हात करत असलेल्या डॉक्टर्स आणि आरोग्य कर्मचाऱ्यांसाठी आवश्यक कपडेही उपलब्ध करुन देण्यात येणार आहेत.