रशियन कोरोनाव्हायरस (COVID 19) लस, स्पुतनिक व्ही (Sputnik V) जूनच्या दुसर्‍या आठवड्यापासून भारतात दिली जाईल. अपोलो हॉस्पिटल (Apollo Hospitals)च्या माध्यमातून ही लस सर्व सामान्यांसाठी उपलब्ध होईल.

अपोलो ग्रुप ऑफ हॉस्पिटल्सच्या कार्यकारी उपाध्यक्ष शोबाना कामिनेनी यांनी दिलेल्या निवेदनाद्वारे यासंदर्भातील माहिती जाहीर केली गेली.

यात असं नमूद केलं आहे की, या गटाने देशात दहा लाखाहून अधिक लसी दिल्या आहेत. ८० हून अधिक ठिकाणी लसींचा पुरवठा करण्त आला आहे. जिथे कामगार, कॉर्पोरेट कर्मचारी तसंच संक्रमित होण्याचा धोका अधिक असलेल्यांना प्राधान्य देण्यात आलं.

अधिक माहिती जाहीर करताना शोभना म्हणाल्या की, या गटानं जूनमध्ये दर आठवड्याला दहा लाख लस देण्याची योजना आखली आहे. जुलैमध्ये ती दुप्पट करण्याचं काम केलं जाईल. अपोलो इथलं पथक सप्टेंबर २०२१ पर्यंत २० दशलक्ष लस देण्याचा प्रयत्न करणार आहे.

ANIला दिलेल्या मुलाखतीत शोबाना म्हणाल्या, "स्पुतनिक व्ही, भारतात मंजूर झालेली तिसरी लस जूनच्या दुसर्‍या आठवड्यात अपोलो रुग्णालयांद्वारे उपलब्ध होईल."

Sputnik V, the third vaccine approved in India will be available through the Apollo Hospitals from the 2nd week of June: Shobana Kamineni, Executive Vice-chairperson, Apollo Hospitals

— ANI (@ANI) May 27, 2021

 सध्या, स्पुतनिक व्ही यांना विषय तज्ञ समिती (SEC) कडून मान्यता मिळाली आहे. ती भारतात उपलब्ध होणारी तिसरी लस आहे. तथापि, हे केवळ आपत्कालीन वापराच्या अधिकृतता (EUA) नुसार आणीबाणीच्या वेळी दिली जाईल. शिवाय कोरोनाव्हायरससाठी ही लस अधिकृत करणारा भारत हा ६० वा देश आहे.

हेही वाचा

आरोग्य सेतूवर आले 'हे' नवीन फिचर, 'असे' ठरेल फायदेशीर

म्युकरमायकोसिसवरील उपचारासाठी महात्मा फुले जनआरोग्य योजनेत नवी मुंबईतील ४ रुग्णालये