बॉलिवूड अभिनेता आणि निर्माता, दिग्दर्शक महेश मांजरेकर यांच्यावर एका व्यक्तीला शिवीगाळ आणि मारहाण केल्याचा आरोप आहे. एवढेच नव्हे तर या व्यक्तीनं महेश मांजरेकर यांच्याविरोधात पोलिस तक्रारही दाखल केली आहे.

काय प्रकरण होतं?

माध्यमांच्या वृत्तानुसार, कैलास सातपुते नावाच्या व्यक्तीनं महाराष्ट्रातील यवत पोलिस स्टेशनमध्ये महेश मांजरेकर यांच्याविरोधात तक्रार दाखल केली आहे. सातपुते यांनी दिलेल्या तक्रारीनुसार, महेश मांजरेकर यांनी केवळ त्यांना शिवीगाळ केलीच नाही तर मारहाणही केली.

तथापि, हे प्रकरण १५ जानेवारी रोजीचं आहे. सातपुते पुढे म्हणाले की, १५ जानेवारीला ते सोलापूरहून येत होते. तेव्हा वाटेवरुन त्यांनी चुकून मांजरेकर यांच्या कारला धडक दिली. यानंतर संतप्त मांजरेकर यांनी त्याला चापट मारुन शिवीगाळ केली.

स्पॉटबॉय यांच्या मते महेश मांजरेकर म्हणाले की, 'सर्व गोष्टी मूर्खपणाच्या आहेत. कोणीतरी मागून माझ्या गाडीला धडक दिली. मला वाटले की तो नशेत होता. दुसर्‍या दिवशी त्याने तक्रार दिली. अशा परिस्थितीत मीडिया सर्कसमध्ये सर्व काही बदलले.

ते पुढे म्हणाले, 'हे अगदी भयावह आहे. माझी कार खराब झाली. मी शूटिंगमुळे या अपघाताकडे दुर्लक्ष करण्याचे ठरवले. परंतु मी मूर्खपणा केला. मी आधी स्वत: पोलिसांकडे जायला हवं होतं.'

हेही वाचा

ईदच्या मुहर्तावर चित्रपट गृहांमध्ये झळकणार 'राधे'

'तांडव' वेब सिरिजमध्ये बदल होणार, दिग्दर्शकानं केलं ट्विट