मुंबई - प्रबोधनकार ठाकरे यांच्या तैलचित्राच्या अनावरणाचा कार्यक्रम 2 जानेवारीला होत आहे. मुख्यमंत्री देवेंद्र फडणवीस आणि शिवसेना पक्षप्रमुख उद्धव ठाकरे यावेळी उपस्थित राहणार आहेत. प्रबोधनकार ठाकरे यांचं तैलचित्र लावण्याचा प्रस्ताव पालिका सभागृहात मंजूर करण्यात आला. आचारसंहिता लागण्यापूर्वी सदर तैलचित्र लावणे शिवसेनेला शक्य होणार आहे. या कार्यक्रमाला मुख्यमंत्री देवेंद्र फडणवीस आणि उद्धव ठाकरे हे उपस्थित राहणार असल्याने पालिका निवडणुकीत भाजपा आणि शिवसेना काय भूमिका घेणार हे मात्र सध्या तरी गुलदस्त्यात आहे.