भारतीय नेमबाज श्रेयसी सिंग हिनं अाज भारताच्या खात्यात अाणखी एका सुवर्णपदकाची भर घातली. अाॅस्ट्रेलियातील गोल्ड कोस्ट इथं सुरू असलेल्या राष्ट्रकुल क्रीडा स्पर्धेत श्रेयसीनं महिलांच्या डबल ट्रॅप प्रकारात निर्विवाद वर्चस्व गाजवत सुवर्णपदक पटकावलं. याअाधी श्रेयसी हिनं ग्लासगो राष्ट्रकुल स्पर्धेत रौप्यपदक पटकावलं होतं.
२६ वर्षीय श्रेयसीने अंतिम फेरीत २४, २५, २२ अाणि २५ गुण पटकावत एकूण ९६ गुणांसह गोल्ड मेडल अापल्या नावावर केलं. तिनं अाॅस्ट्रेलियाच्या इमा काॅक्स हिच्यावर मात केली. स्काॅटलंडच्या लिंडा पिअर्सन हिला ८७ गुणांसह कांस्यपदकावर समाधान मानावं लागलं. भारताच्या वर्षा वर्मन हिला मात्र एका गुणाच्या फरकानं पदकापासून वंचित राहावं लागलं. तिने ८६ गुण मिळवले.
हेही वाचा -
Share
Tweet
