मलेशियन मुलींना स्क्वॉश स्पर्धेत तिहेरी विजेतेपद

Churchgate

मलेशियाच्या खेळाडूंनी बुधवारी झालेल्या ९ व्या इंडियन ज्युनियर स्क्वॉश टुर्नामेंटमध्ये तिहेरी विजेतेपद पटकावले. अंडर-११, अंडर-१३ आणि अंडर-१५ वर्षांखालील मुलींच्या गटात अनुक्रमे अनरी गोह, सेहवीत्रा कुमार आणि एरा अजमान यांनी बाजी मारली. ही स्पर्धा चर्चगेट येथील बॉम्बे जिमखान्यात खेळविण्यात आली होती.

या स्पर्धेत तिसऱ्या सामन्यात मलेशियाच्या एराने भारताच्या अव्वल मानांकित अनन्या डबकेला पराभूत केले. एराने १३-११, ११-३, ११-५ अशा गुण संख्येने अनन्याचा पराभव केला. बॉम्बे जिमखान्याच्या ब्लॅक ग्लास स्क्वॉश कोर्टवर ही स्पर्धा झाली.

अंडर-१३ गटात अव्वल मानांकित सेहवित्रा हिने भारताच्या दुसऱ्या मानांकित युवना गुप्तावर ११-५,११-३, ११-५ अशा फरकाने मात केली. या लढतीत सेहवित्राने शानदार खेळाचे प्रदर्शन घडवत सामन्यावर पकड मिळवली.

अंडर-११ गटात अव्वल मानांकित मलेशियाची अनरी हिने भारताच्या दिव्या यादव सोबत झालेल्या लढतीत १२-१०, ११-८, ९-११, ११-९ अशा फरकाने दिव्यावर मात केली. ही लढत अत्यंत अटीतटीची झाली.

हे देखील वाचा -