मध्य रेल्वेवर येत्या शनिवारी आणि रविवारी (२२ -२३ जानेवारी) पुन्हा एकदा चौदा तासांचा मेगाब्लॉक घेण्यात येणार आहे. हा मेगाब्लॉक ठाणे आणि दिवा दरम्यान डाऊन जलद मार्गिकेवर असणार आहे.
डाऊन फास्ट मार्गिकेवर मेगा ब्लॉकची सुरुवात शनिवारी मध्यरात्रीनंतर ०१ वाजून २० मिनिटांनी होईल, तर रविवारी दुपारी ३ वाजून २० मिनिटंपर्यंत हा मेगाब्लॉक असणार आहे.
मुंबईच्या दिशेनं येणाऱ्या अप फास्ट मार्गीकेवर दुपारी १२ वाजून ३० मिनिटांनी सुरू होईल आणि २ वाजून ३० मिनिटांनी संपेल. या मेगा ब्लॉकच्या दरम्यान अप आणि डाऊन दिशेला धीम्यामार्गीकेवर लोकल धावतील.
शनिवारी या ब्लॉगच्या आधी दादर इथून सुटणाऱ्या जलद लोकल आणि एक्सप्रेस ११ वाजून ४० मिनिटांपासून ते रात्री २ वाजेपर्यंत माटुंगा आणि कल्याण स्थानकाच्या दरम्यान डाऊन स्लो लाईन वरून धावतील. या काळात काही एक्स्प्रेस ठाणे स्टेशनवर थांबणार नाहीत.
तर ब्लॉक सुरू झाल्यानंतर दादर, लोकमान्य टिळक टर्मिनस आणि सीएसएमटी इथून सुटणाऱ्या एक्सप्रेस, तसंच फास्ट लोकल या मुलुंड आणि कल्याणच्या दरम्यान डाऊन स्लो लाईनवर डायव्हर्ट करण्यात येतील. असं असलं तरी मेगा ब्लॉकच्या दरम्यान ठाणे स्टेशनच्या दोन नंबर प्लॅटफॉर्मवर एक्स्प्रेस आणि मेल गाड्या थांबणार नाहीत असं मध्य रेल्वेनं सांगितलं आहे.
२२-२३ जानेवारीला होणारे बदल
हेही वाचा