बेस्ट बसच्या उपक्रमात आता आणखी एसी इलेक्ट्रिक बस दाखल होणार आहेत. BEST ने हैदराबादच्या ऑलेक्ट्रा ग्रीनटेक या कंपनीला येत्या वर्षभरात 2,100 इलेक्ट्रिक बसेसचा पुरवठा करण्यासाठी 3,675 कोटी रुपयांचे कंत्राट दिले आहे. यामुळे बेस्टच्या ताफ्यात येत्या वर्षभरात या इलेक्ट्रीक बसेस दाखल होणार आहेत.

बेस्टकडून याबाबत इव्हे ट्रान्स प्रायव्हेट लिमिटेडला पत्र देण्यात आले आहे. 12 वर्षांच्या कालावधीसाठी ग्रॉस कॉस्ट कॉन्ट्रॅक्ट मॉडेलवर 2100 इलेक्ट्रीक बसेसचा पुरवठा करण्यात येणार आहे.

अलेक्ट्रा ग्रीनटेक लिमिटेड कंपनी ही करारानुसार 12 मीटर एसी बसेस पुरवणार आहे. या बसेस एका चार्जवर जवळपास 200 किमी धावू शकतात. बेस्टच्या अधिकाऱ्यांनी सांगितले की, मुंबईत सध्या Olectra कंपनीच्या 40 बसेस बेस्टच्या ताफ्यात आहेत.

12 मीटर लांबीच्या या बसमध्ये 35 बसलेले प्रवासी आणि 24 स्टँडी प्रवासी बसू शकतात. त्यांच्याकडे व्हीलचेअर प्रवेश, जीपीएस तंत्रज्ञानावर आधारित ITMS, पॅनिक बटण आणि एअर सस्पेंशन आहे.

सध्या, बेस्टच्या 3337 ताफ्यात 386 ई-बस आहेत. 2023-अखेर 50% इलेक्ट्रिक बस फ्लीटमध्ये 900 डबल-डेकरसह 2,000 अधिक ई-बस असण्याची योजना आहे. 2027 पर्यंत 100% इलेक्ट्रिक फ्लीट तयार करण्याचे उद्दिष्ट आहे.

बेस्ट उपक्रमाने 12 महिन्यांच्या कालावधीत 2,100 इलेक्ट्रिक बस खरेदी करण्यासाठी करारावर स्वाक्षरी केली असताना, अधिकाऱ्यांनी सांगितले की, 5 किमीसाठी एसी इलेक्ट्रिक बसच्या प्रवासासाठी 6 रुपये भाडे सध्या सुरू राहील.

हेही वाचा

बेस्टच! लवकरच बस चालवणारी पहिली महिला चालक होणार रुजू

ई-बाईक अपघात टाळण्यासाठी परिवहन विभागाचे पुढचे पावले