मुंबईजवळील (mumbai) समुद्रात असलेल्या घारापुरी (gharapuri) बेटावरील जेट्टीच्या विस्तारीकरणाच्या (expand) कामाला लवकरच सुरुवात होणार आहे. जेट्टीच्या विस्तारीकरणासाठी मेरिटाइम बोर्डाने मंजुरी दिली आहे.
तसेच यासाठी 88 कोटींच्या प्रस्तावाला मंजुरी देण्यात आली आहे. यामुळे जेट्टीची रुंदी वाढणार असून, पर्यटकांना जेट्टीवरून बेटापर्यंत जाण्यासाठी प्रशस्त मार्ग तयार होणार आहे.
जागतिक वारसा लाभलेल्या चारही बाजूने पाण्याने वेढलेल्या घारापुरी बेटावर येणाऱ्या पर्यटकांची संख्या दिवसोंदिवस वाढत आहे. मात्र या बेटावर जाण्यासाठी एकाच जेट्टीची सुविधा आहे.
शिवाय या जेट्टीची (jetty) रुंदी केवळ चार मीटर आहे. त्यात दोन मीटरचा रस्ता आणि दोन मीटर जागेवर ट्रेन आहे. त्यामुळे बोटीतून, उतरल्यावर बेटावर येण्या-जाण्यासाठी प्रवाशांना अडचण येत असते. चालताना कुठे थांबताही येत नाही. त्यामुळे येणाऱ्या-जाणाऱ्या प्रवाशांना अडचण होत असते. त्यामुळे मेरिटाइम बोर्डाने जेट्टीच्या विस्तारीकरणाचा निर्णय घेतला आहे.
या प्रस्तावानुसार, जेट्टीचे सहा मीटर रुंदीकरणाचे काम केले जाणार आहे. त्यामुळे एकूण रुंदी दहा मीटर होणार आहे. यामुळे पर्यटकांना येण्या जाण्यासाठी वेगवेगळ्या मार्गिका तयार करता येणार आहेत.
या मार्गिकेवर बाके बसवली जाणार आहेत. वन जेट्टीवर शेडची उभारणी केली जाणार आहे. त्यामुळे पावसाचा उन्हाचा त्रास पर्यटकांना होणार नाही. पुरातत्त्व विभागाची परवानगी बाकी या कामासाठी 88 कोटी रुपये खर्च मंजूर करण्यात आला आहे. शिवाय सीआरझेडची मंजुरीही मिळालेली आहे.
आत्ता फक्त पुरातत्त्व विभागाची परवानगी मिळणे बाकी आहे. मात्र हे काम ही अंतिम टप्प्यात असून लवकरच ही परवानगी मिळेल आणि त्यानंतर लगेच जेट्टीच्या विस्तारीकरणाला सुरुवात केली जाईल, असे मेरिटाईम बोर्डाने स्पष्ट केले आहे.
दरवर्षी इथे दगडात कोरलेल्या लेणी पाहण्यासाठी, विविध प्रकारची शिवलिंग पाहण्यासाठी येणाऱ्यांची संख्या वाढत आहे. वर्षाला सरासरी 10 लाख पर्यटक इथे भेट देत असतात. सुट्टीच्या काळात पर्यटकांची संख्या वाढते.
त्यामुळे जेट्टीवरून ये-जा करताना अडचण होऊ नये. जेट्टीवरून सहजपणे ये-जा करता यावी, यासाठी जेट्टीचे विस्तारीकरण केले जात आहे, अशी माहिती मेरिटाइम बोर्डाचे कार्यकारी अभियंता सुधीर देवरे यांनी दिली.
हेही वाचा
Share
Tweet
