Advertisement

कागदपत्रांचे नूतनीकरण आणि संबंधित कामांसाठी ३१ ऑक्टोबरपर्यंतच मुदत

कोरोनाकाळात मुदत संपलेल्या वाहन अनुज्ञप्ती, परवाना आणि अन्य कागदपत्रांचे नूतनीकरण आणि संबंधित कामे पुढील १७ दिवसांत पूर्ण करावी लागणार आहेत.

कागदपत्रांचे नूतनीकरण आणि संबंधित कामांसाठी ३१ ऑक्टोबरपर्यंतच मुदत
SHARES

१ फेब्रुवारी २०२० ते ३१ ऑक्टोबर २०२१ या काळात मुदत संपलेल्या वाहन योग्यता प्रमाणपत्र (फिटनेस), सर्व प्रकारचे परवाने, वाहन नोंदणी, वाहन अनुज्ञप्ती (लायसन्स) हे ३१ ऑक्टोबर २०२१ पर्यंत वैध मानण्यात यावेत, असे आदेश केंद्राने काढले आहेत. त्यामुळं कोरोनाकाळात मुदत संपलेल्या वाहन अनुज्ञप्ती, परवाना आणि अन्य कागदपत्रांचे नूतनीकरण आणि संबंधित कामे पुढील १७ दिवसांत पूर्ण करावी लागणार आहेत. 

या कामांच्या पूर्ततेसाठी ३१ ऑक्टोबर ही शेवटची मुदतवाढ असून यानंतर वाहनचालकांना कोणतीही मुदतवाढ देण्यात येणार नसल्याचे केंद्रीय रस्ते वाहतूक आणि महामार्ग मंत्रालयाने स्पष्ट केले आहे. या निर्णयास आणखी ३ महिने मुदत वाढवून द्यावी, अशी मागणी देशातील प्रमुख वाहतूक संघटनांनी केंद्राकडे पत्राद्वारे केली होती. या पत्राला उत्तर देताना केंद्राने भूमिका स्पष्ट केली.

वाहन कागदपत्रांसंबंधित कामांचा मोठ्या प्रमाणात अनुशेष आहे. अशातच प्रादेशिक परिवहन कार्यालयांमध्ये पुरेशी व्यवस्था नाही, शिवाय मनुष्यबळाचादेखील तुटवडा आहे. या अडचणी लक्षात घेता केंद्राने ३१ ऑक्टोबरच्या मुदतीस आणखी ३ महिने वाढ देणे गरजेचे असल्याचे ऑल इंडिया मोटर ट्रान्सपोर्ट काँग्रेसचे बाल मलकित सिंग यांनी केली होती.

अवघ्या १७ दिवसांत वाहन कागदपत्रांसंबंधी कामे पूर्ण करणे प्रत्यक्षात शक्य नाही. यामुळे प्रादेशिक परिवहन कार्यालयांमध्ये मोठी गर्दी होण्याची भीती आहे, असे सिंग म्हणाले.

Read this story in हिंदी
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा