मुंबई-पुणे (Mumbai-Pune) द्रुतगती मार्गावर आता लालपरी धावणार नाहीत. एसटी महामंडळाने (MMRTC) प्रवाशांची कमतरता आणि एक्स्प्रेस वेवरील (Expressway) वाढता टोल पाहता फक्त शिवनेरी बसेस चालवण्याचा निर्णय घेतला आहे. विशेष म्हणजे मुंबई-पुणे एक्स्प्रेस वेवर खासगी बसेस आणि महामंडळाच्या शिवनेरी बसही मोठ्या प्रमाणात धावतात, त्यामुळे 'लालपरी'ने प्रवास करणाऱ्यांची संख्या कमी आहे.

एसटी महामंडळाने काही दिवसांपूर्वी एक परिपत्रक जारी केले आहे. आता या जुन्या मार्गावर एसटीच्या सामान्य बसेस चालवण्याचे आदेश देण्यात आले आहेत. शिवनेरी व्यतिरिक्त एक्स्प्रेस वेवर धावणाऱ्या एसटी बसेसच्या बाबतीत ई-टॅगमधून वळविण्यात आलेली अतिरिक्त रक्कम चालकाकडून वसूल करण्याचे आदेश एसटी प्रशासनाने विभागीय नियंत्रकांना दिले आहेत. पूर्वी सर्व एसटी बस जुन्या मार्गावरून धावत असत.

जुन्या मार्गावर एसटी धावणार

महामार्गाचे बांधकाम झाल्यानंतर शिवनेरीसह अन्य बसेसही एक्स्प्रेस वेवर धावू लागल्या. त्यामुळे एसटीच्या उत्पन्नावरही परिणाम झाला. पुणे, सातारा, सांगली, कोल्हापूर, हुबळी, बेंगळुरू, मंगळुरू या मार्गावर धावणाऱ्या सर्व एसटी बस आता जुन्या मुंबई-पुणे मार्गावर धावतील.

जुन्या मुंबई-पुणे महामार्गावरील (Mumbai-Pune Expressway) बसेसना ४८५ रुपये (एकमार्गी) टोल द्यावा लागतो, तर त्याच बसला नवीन द्रुतगती मार्गावरून जाण्यासाठी ६७५ रुपये (एकमार्गी) टोल द्यावा लागतो.

हेही वाचा

बोरिवली-ठाणे प्रवासासाठी लागणार २० मिनिटे, नॅशनल पार्कमध्ये बांधणार सर्वात लांब बोगदा

माथेरानचे सौंदर्य पहा व्हिस्टाडोम कोचमधून, डोंगर-दऱ्यांमधून धावणार ‘ब्लॅक ब्युटी’