मुंबईत उड्डाण करणाऱ्या सर्व आंतरराष्ट्रीय प्रवाशांना आरटी-पीसीआर चाचण्या प्री-बुक करण्याची गरज नाही. संभ्रम दूर करण्यासाठी एक नवीन अधिसुचना काढण्यात आली आहे.
नव्या अधिसुचनेनुसार, केवळ जोखीम असलेल्या देशातून आलेले किंवा १४ दिवसांपूर्वी त्या राष्ट्रांपैकी एकात गेलेल्यांनीच आरटी-पीसीआर चाचण्या प्री-बुक करणं आवश्यक आहे.
TOI मध्ये दिलेल्या वृत्तानुसार, एअरलाईन्स सुविधा पुरवणाऱ्या पोर्टलनं मंगळवारी त्यांच्या प्रवासी सल्ल्यामध्ये सुधारणा केली. त्यात म्हटलं आहे की, “नवीनतम सरकारी मार्गदर्शक तत्त्वांनुसार, मुंबई, दिल्ली, कोलकाता, चेन्नई, बेंगळुरू, हैदराबाद या ६ मेट्रो शहरांमध्ये 'जोखीम असलेल्या देशां'मधून येणाऱ्या प्रवाशांसाठी आरटी-पीसीआर चाचण्या प्री-बुक करणं अनिवार्य आहे. २० डिसेंबर २०२१ पासून येणाऱ्यांसाठी हा नियम लागू होईल.”
यापूर्वी सांगण्यात आलं होतं की, मुंबईत येणाऱ्या सर्व आंतरराष्ट्रीय प्रवाशांना आरटी-पीसीआर चाचण्या प्री-बुक करणं आवश्यक आहे. हा निर्णय आधीच्या महाराष्ट्र सरकारच्या आदेशानुसार घेण्यात आला होता.
दिल्लीच्या इंदिरा गांधी आंतरराष्ट्रीय (IGI) विमानतळावर RT-PCR चाचणीसाठी ऑनलाइन स्लॉट कसे प्री-बुक करू शकतात ते पाहा.
हेही वाचा
Share
Tweet
