मध्य रेल्वे मार्गावरील महिला प्रवाशांसाठी एक महत्वाची बातमी आहे. मध्य रेल्वेमार्गावर गुरुवारपासून महिला विशेष लोकल सुरू करण्यात आली आहे. सीएसएमटी-कल्याण या मार्गावर २ महिला लोकल धावणार आहे. अत्यावश्यक प्रवासी वाढल्याने एकूण ८ अतिरिक्त फेऱ्या सुरू करण्याची घोषणा मध्य रेल्वेने केली.
रात्री कामावरून घरी परतणाऱ्या प्रवाशांसाठी सीएसएमटी येथून ९.४५ ची कल्याण लोकल सुरू केली आहे. अप मार्गावर कल्याणहून दुपारी ४.१० वाजता सीएसएमटीसाठी लोकल रवाना होणार आहे.
या लोकल जलद मार्गावर चालवण्यात येणार असून भायखळा, दादर, कुर्ला, घाटकोपर, मुलुंड, ठाणे, दिवा आणि डोंबिवली या स्थानकांवर थांबणार आहेत. वाढीव फेऱ्यांमुळे मध्य रेल्वेवरील विशेष लोकलची संख्या ४३१ पर्यंत पोहचली.
मध्य, हार्बर आणि पश्चिम मार्गावर फेऱ्या सुरू केल्यानंतर ट्रान्स हार्बरवर मात्र नाममात्र २ फेऱ्या सुरू करण्यात आल्या. यामुळे ठाणे-पनवेल मार्गावरील प्रवाशांचे हाल सुरू होते. त्यामुळं ट्रान्स हार्बर मार्गावर ४ फेऱ्या वाढवण्यात आल्या आहेत. यामुळे ठाणेमार्गे नवी मुंबई जाणाऱ्या प्रवाशांनाही काही अंशी दिलासा मिळणार आहे.
ट्रान्स हार्बर मार्गावरील जलद फेऱ्या रबाळे, कोपरखैरने, तुर्भे, जुईनगर, नेरुळ आणि बेलापूर या स्थानकांवर थांबतील. अत्यावश्यक कर्मचारी आणि राज्य सरकारने मंजुरी दिलेल्या प्रवाशांसाठी या लोकल फेऱ्या आहेत. सर्वसामान्यांना सध्या लोकलमध्ये प्रवेश नाही. यामुळे सामान्य प्रवाशांनी स्थानकात गर्दी करू नये.
ट्रान्स हार्बर मार्गावरील फेऱ्या
Share
Tweet
