२०१८ मध्ये अमिताभ बच्चन आणि ऋषी कपूर ही जोडी तब्बल २७ वर्षानंतर मोठ्या पडद्यावर दिसणार आहे. १०२ नॉट आऊट या आगामी चित्रपटात ही जोडी धम्माल करताना दिसणार आहे. शुक्रवारी या चित्रपटाचे एक मजेशीर पोस्टर रिलीज करण्यात आले. येत्या ४ मे ला हा चित्रपट प्रेक्षकांच्या भेटीला येत आहे. अमिताभ आणि ऋषी कपूर यांची जोडी अजुबा या चित्रपटात या आधी बघायला मिळाली होती.
ऋषी कपूर यांना एका अंड्यामध्ये बसलेलं बघून अमिताभ बच्चन हसत आहेत. असं हे मजेशीर नवं पोस्टर आहे. त्यात या पोस्टरवरची टॅगलाईन सगळ्यात मजेशीर आहे. 'बाप कूल, बेटा ओल्ड स्कूल' असं या अंड्यावर लिहिलेलं आहे.
T 2752 - Baap COOL, beta OLD SCHOOL!
— Amitabh Bachchan (@SrBachchan) March 23, 2018
Presenting first look of #102NotOut! Celebrate life with this unusual father-son duo on 4th May! @chintskap @umeshkshukla @SonyPicsIndia #TreeTopEntertainment
COME ONNNNNN .. !!!
ये पहला poster ,, एक अनोखी गाथा , पिता पुत्र की ,, 4th May pic.twitter.com/lsJPlO7iGq
या चित्रपटात अमिताभ यांचे वय १०२ वर्ष दाखवण्यात आले आहे. अमिताभ यांना पृथ्वीवरील सर्वांत वयोवृध्द व्यक्तीचा रेकॉर्ड मोडायचा असतो. ऋषी कपूर हे अमिताभ यांच्या मुलाच्या भुमिकेत दिसणार आहेत. या दोघांव्यतिरिक्त परेश रावल यांचीही चित्रपटात महत्त्वाची भूमिका आहे.
या चित्रपटातील भूमिकेसाठी अमिताभ यांना मेकअपसाठी तीन तास लागायचे. तर मेकअप उतरवायला ३ तास लागायचे. चित्रपटाचा ट्रेलर या आधीच रिलीज करण्यात आला आहे. हा चित्रपट ओह माय गॉड फेम दिग्दर्शक उमेश शुक्ला यांनी दिग्दर्शित केला आहे.
हेही वाचा
'ठग्स ऑफ हिंदुस्तान'च्या शुटिंगवेळी अमिताभ यांची प्रकृती बिघडली