कोरोना व्हायरस आणि लॉकडाऊनमुळे आपण सर्वजण घरबसल्या आहोत. थिएटर बंद आहेत आणि बॉलिवूडचा व्यवसाय ठप्प झाला आहे. कोरोनामुळे सध्या भारताला कोरोना विषाणूसारख्या साथीच्या आजाराचा सामना करावा लागत आहे. त्याचा देशाच्या अर्थव्यवस्थेवरही मोठा परिणाम होत आहे. अशा परिस्थितीत सर्वजण एकत्रित लढा देत आहेत. एकीकडे, अनेक स्टार आपापल्या घरात आहेत आणि या कठीण काळात ते एक मोठी देणगी देत आहेत. अक्षय कुमारनं कोरोना काळात देशासाठी २५ कोटींची देणगी दिली आहे. तर सलमान खाननं २५ हजार दैनंदिन मजुरांची जबाबदारी उचलली आहे. या यादीमध्ये बॉलिवूडचा किंग शाहरुख खान यांचं नाव देखील जोडलं गेलं आहे.
शाहरुख खानची आयपीएल टीम कोलकाता नाइट रायडर्स, मनोरंजन कंपनी रेड चिलीज एंटरटेनमेंट आणि रेड चिलीज व्हीएफएक्स आणि एनजीओ मीर फाउंडेशन यांनी मदतीचा हात पुढे केला आहे. शाहरुखनं पंतप्रधान आणि मुख्यमंत्री सहायता निधीसाठी मोठी देणगी दिली आहे.यासोबतच त्यानं इतरही अनेक संस्थांना देणगी दिली आहे.
त्यानं पंतप्रधान आणि महाराष्ट्र मुख्यमंत्री सहाय्यता निधीत आर्थिक मदत जमा केली आहे. याव्यतिरिक्त, पर्सनल प्रोटेक्टिव्ह किटच्या माध्यमातून मुंबईतील ५ हजार ५०० कुटुंबियांना महिन्याभरात अन्न आणि आवश्यक वस्तू तसंच जनतेला अन्न देण्याची घोषणा केली आहे. तसंच कोरोना विषाणूविरूद्ध जनजागृती करण्यातही मदत करणार असल्याचं शाहरुखनं सांगितलं.
पंतप्रधान नेरंद्र मोदी यांनी ट्विट करत शाहरुखचे आभार मानले.
शाहरुख खानच्या ‘रईस’ चित्रपटाचं दिग्दर्शक राहुल ढोलकिया यांनी ट्वीट केलं आहे की, "योग्य पाऊल उचललं. सर्व संघटनांनी या क्षणी एकत्र येणं महत्वाचं आहे. खूप चांगले आणि अचूक पाऊल. नेहमीप्रमाणे."
त्याच्या एका चाहत्यानं लिहिलं की देशाची शान शाहरुख खान आहे. दुसर्या एकानं लिहलं आहे की, "तुम्ही प्रत्येकासाठी प्रेरणादायी विशेष करून सेलिब्रिटींसाठी. एकानं लिहलं की तुम्ही दिलदार आहात.
हेही वाचा