मराठीसोबतच हिंदीतही आपलं करियर घडवण्यात व्यग्र असलेल्या मराठमोळ्या अभिनेत्रींपैकी एक आहे स्मिता तांबे. स्मिता आता थेट कंगना रणौतसोबत मिळून कोणाशी तरी ‘पंगा’ घेताना दिसणार आहे.
सध्या जगभरातील क्रिकेटशौकिनांना विश्वचषकाचे वेध लागले असले तरी, कबड्डीप्रेमींना मात्र त्यानंतर येणाऱ्या ‘प्रो कबड्डी’ची उत्सुकता लागली आहे. आता स्मिता तांबेदेखील कंगना रणौतसोबत या खेळात रंगल्याची पहायला मिळणार आहे. २००६ मध्ये ‘गँगस्टर’ चित्रपटापासून सुरू झालेला कंगनाचा प्रवास ‘मणिकर्णिका’ चित्रपटापर्यंत, तर स्मिताचा हिंदीतील प्रवास ‘सिंघम रिटर्न’पर्यंत येऊन पोहोचला आहे. आता या दोघी प्रथमच ‘पंगा’ या आगामी हिंदी चित्रपटात एकत्र झळकणार आहेत.
‘नील बटा सन्नाटा’ फेम दिग्दर्शिका अश्विनी अय्यर-तिवारी यांच्या दिग्दर्शनाखाली बनणाऱा ‘पंगा’ हा चित्रपट कबड्डीवर आधारित असलेला महत्त्वपूर्ण चित्रपट आहे. फाक्स स्टार स्टुडिओजची निर्मिती असलेल्या या चित्रपटात जस्सी गिल, रिचा चढ्ढा, नीना गुप्ता, पंकज त्रिपाठी आदी कलाकारांच्याही भूमिका आहेत. गत वर्षी भोपाळमध्ये या चित्रपटाच्या शूटिंगला सुरुवात करण्यात आली. त्यानंतर ‘पंगा’चं दुसरं शूटिंग शेड्यूल यंदा फेब्रुवारी महिन्यात पूर्ण करण्यात आलं आहे. या चित्रपटाची कथा राष्ट्रीय पातळीवरील कबड्डीपटूवर आधारित आहे. त्यासाठी कंगनानं कबड्डीचे डावपेच शिकण्यासाठी दोन महिन्यांपेक्षा जास्त वेळ दिला आहे.
हेही वाचा -
रुपेरी पडद्यावर झळकणार छत्रपतींचे 'सरसेनापती हंबीरराव'
बिचुकलेंना शिवानी देणार घरकामाचे धडे!