मुंबईत कोरोनाचा प्रादुर्भाव दिवसेंदिवस वाढतच आहे, राज्यात मागील 24 तासात कोरोनाचे 60 जणांचा बळी गेल्याची धक्कादायक माहिती समोर आली आहे. तर मुंबईत या महामारीनॆ 1हजार 026 जणांचा आतापर्यंत मृत्यू झाला आहे. दिवसभरात 1430 नवीन रुग्ण आढळल्याने कोरोनाशी दोन हात करणाऱ्या अत्यावश्यक सेवांवरील भार दिवसेंदिवस वाढतच आहे. मुंबईत सोमवारी दिवसभरात 38 जणांचा मृत्यू झाला आहे. राज्यात कोरोनाबाधीत रुग्णांमध्ये मुंबई दुसऱ्या क्रमांकावर आहे.
मागील दिवसांपासून मुंबईत कोरोनाचा मृत्यूदर दिवसेंदिवस वाढत आहे. मृतांच्या एकूण संख्येत सोमवारी भर पडली आहे. मुंबईत गेल्या 24 तासांत कोरोनाचे 38 रुग्ण दगावले आहेत तर 21 मे रोजी 41 मृत व्यक्तींची नोंद झाली आहे. त्या पूर्वी 22 मे रोजी रोजी एकूण 27 जण या आजाराला बळी पडल्याचे पालिकेकडून सांगण्यात आले आहे. या शिवाय, सोमवारी मुंबईत कोरोनाचे 1430 नवीन रुग्ण आढळले आहेत.
मुंबईत रुग्णांची एकूण संख्या आता 31 हजार 972 इतकी झाली आहे. मुंबईत मागील 24 तासात करोनाचे 330 रुग्ण बरे होऊन घरी परतले आहेत. आतापर्यंत करोनाची लागण झालेल्या एकूण 8 हजार 404 रुग्णांनी करोनावर मात करण्यात यश मिळवले आहे. त्यामुळं मुंबईकरांना दिलासा मिळाला आहे.
कोरोना रुग्णांची विश्लेक्षणांनुसार माहिती
अतिदक्षता विभागातील रुग्ण - 583
व्हेंटिलेटरवर असलेले रुग्ण - 198
सीसीसी 2 मधील कोरोना रुग्ण - 3658
मुंबईतील कंटेनमेंट झोनची माहिती
कंटेनमेंट झोन (चाळ आणि झोपडपट्टी) - 659
सीलबंद इमारती - 2411
अती जोखीम - 7395
कमी जोखीम 15, 686
सीसीसी 1 मधील अति जोखीम संपर्क - 15, 607
एकूण तपासणी शिबिर - 374
शिबिरात तपासलेले रुग्ण - 22084
एकूण घेतलेले नमूने - 5452
आढळलेले पाँझिटिव्ह रुग्ण - 392