महिला आणि बाल विकास मंत्री अदिती तटकरे यांनी पाणीटंचाई, शिक्षकांची रिक्त पदे, आदिवासी (Adivasi) विद्यार्थ्यांच्या प्रलंबित जन्म नोंदी आणि स्थानिक विकास कामांशी संबंधित समस्या तात्काळ सोडवून नागरिकांना दिलासा देण्याचे निर्देश विभागीय अधिकाऱ्यांना दिले आहेत.

मंत्रालयात झालेल्या एका आढावा बैठकीत विविध विभागांच्या कामकाजाचा सविस्तर आढावा घेण्यात आला. परिसरातील पाणीपुरवठ्याच्या मुद्द्यावर प्राधान्याने चर्चा करण्यात आली.

या बैठकीला रायगडचे (raigad) जिल्हाधिकारी किशन जावळे, उपविभागीय अधिकारी, तहसीलदार, प्रांतीय अधिकारी आणि स्थानिक अधिकारी व्हिडिओ कॉन्फरन्सिंगद्वारे उपस्थित होते.

मंत्री अदिती तटकरे (aditi tatkare) यांनी सांगितले की, आवश्यक कागदपत्रांच्या (Certificate) अभावामुळे विद्यार्थ्यांना शिक्षण आणि विविध सरकारी योजनांचा लाभ घेण्यास अडचणी येत असल्याचे निदर्शनास आले आहे.

या पार्श्वभूमीवर, महसूल विभाग, ग्रामपंचायत आणि संबंधित प्रशासनांनी समन्वय साधून पात्र आदिवासी विद्यार्थ्यांना जन्म दाखले तात्काळ उपलब्ध होतील याची खात्री करावी.

तालुक्यात शिक्षकांची 104 पदे रिक्त असल्याने, विद्यार्थ्यांच्या शिक्षणावर परिणाम होऊ नये यासाठी ही रिक्त पदे भरण्याची प्रक्रिया तात्काळ सुरू करावी.

उन्नतीवाडी, केंद्र शाळा नागोठाणे आणि माहुलगे आदिवासीवाडी येथील शाळांमध्ये पाचवीच्या वर्गाला मंजुरी देण्यासाठी कार्यवाही करावी, असेही त्यांनी सांगितले.

नवीन पाणीपुरवठा वाहिनी टाकण्याच्या प्रस्तावावर चर्चा झाली. सुमारे दोन किलोमीटर अंतरासाठी जीआय पाईपलाईन, एचडीपीई पाईपलाईन आणि काँक्रीट ब्लॉक्सच्या वापरासह आवश्यक तांत्रिक बाबींचा आढावा घेण्यात आला.

पाणीटंचाईच्या समस्येवर दीर्घकालीन उपाययोजना करण्यासाठी संबंधित विभागांनी समन्वित कार्यवाही करावी, असे निर्देश मंत्री तटकरे यांनी दिले.

याव्यतिरिक्त, स्थानिक विकास प्रकल्प, आरोग्य, पाणीपुरवठा आणि शिक्षण यांच्याशी संबंधित प्रलंबित मुद्द्यांवरही सविस्तर चर्चा झाली.

नागरिकांच्या दैनंदिन जीवनाशी संबंधित समस्या प्राधान्याने सोडवाव्यात आणि त्यासाठी आवश्यक उपाययोजना तात्काळ राबवाव्यात, असे निर्देश मंत्री अदिती तटकरे यांनी संबंधित विभागांच्या अधिकाऱ्यांना दिले.

हेही वाचा

महाराष्ट्रात एक हजार रोजगार मेळाव्यांचे आयोजन होणार

जुहूकरांना मोठा दिलासा! रखडलेल्या पुनर्विकासाला मिळणार गती