मालाडमध्ये इमारत कोसळली, ११ जणांचा मृत्यू, १७ जण जखमी

मुसळधार पावसामुळे (Heavy rain in Mumbai) मालाडमधील एका चार मजली चाळीचा (Residential structures) काही भाग कोसळल्याची दुर्घटना घडली आहे. मालाडच्या मालवणी भागात ही घटना घडली. या दुर्घटनेत ११ जणांचा मृत्यू झाला असून १७ जण गंभीर जखमी झालेत.

न्यू कलेक्टर (New Collector compound) कंपाऊंटमधील ३ मजली इमारतीचा दुसराआणि  तिसरा मजला लगतच्या १ मजली चाळीवर कोसळला. यात ११ जणांचा मृत्यू झाला. मृतांचा आकडा वाढण्याची शक्यता वर्तवण्यात आली आहे. दुर्देवानं मृतांमध्ये ६ लहांना मुलांचा समावेश आहे. या लहानग्यांचं वय १० वर्षाच्या आत आहे.

अग्निशमन दलाकडून बचाव कार्य करण्यात येत आहे. अद्ययावत माहितीनुसार वाचवण्यात आलेल्या १८ व्यक्तींपैकी ११ व्यक्तींचा मृत्यू झाला आहे. त्यांच्या आत्म्याला सद्गती प्राप्त होवो व जखमी झालेले नागरिक लवकर बरे होवो अशी प्रार्थना आम्ही करतो. 🙏 https://t.co/6z62kCPMbw

— माझी Mumbai, आपली BMC (@mybmc) June 10, 2021

या घटनेची माहिती मिळताच अग्निशमन दल, मुंबई महापालिकेसह इतर प्रशासन घटनास्थळी दाखल झालं आहे. अग्निशमन दलाच्या ८ गाड्या घटनास्थळी दाखल झाल्या असून बचावकार्य अद्यापही सुरु आहे. सध्या या ठिकाणी युद्धपातळीवर बचावकार्य सुरु आहे. काही जणांना ढिगाऱ्याखालून काढण्यात यश आलं असून काही जण ढिगाऱ्याखाली अडकल्याची भीती व्यक्त केली जात आहे.

मध्यरात्रीपर्यंत ढिगाऱ्याखालून जवळपास १६ जणांना रेस्क्यू करण्यात आलं होतं. ज्यात ३ लहान मुलं, ३ महिला आणि १० पुरुषांचा समावेश होता. दुर्घटनेतून रेस्क्यू करण्यात आलेल्या जखमींना शताब्दी रुग्णालयात उपचारासाठी दाखल करण्यात आलं आहे.

या इमारतीत एकूण २ ते ३ कुटुंब राहत असल्याची शक्यता वर्तवण्यात येत आहे. खबरदारी म्हणून इमारतही रिकामी करण्याचा निर्णय घेण्यात आला. इथल्या रहिवाशांना तातडीनं अन्यत्र हलवण्यात येत असून युद्धपातळीवर मदत आणि बचावकार्य सुरू आहे.