आजवर आपण अनेक जत्रा पहिल्या असतील. त्या जत्रेत सहभागी होऊन विविध खेळ खेळला असाल, मौजमजा केली असेल. पण परळ पूर्वेकडे एक अशी जत्रा भरली होती, ज्यात मौजमजेसोबतच समाजप्रबोधनाचेही काम करण्यात आले. या जत्रेचे नाव होते 'पर्यावरण जत्रा'.
परळच्या डॉ. बाबासाहेब आंबेडकर मार्गावरील महापालिकेच्या एफ/ दक्षिण विभागात सहाय्यक आयुक्त विश्वास मोटे यांनी अनोखी शक्कल लढवत ही 'पर्यावरण जत्रा' भरवली होती. या जत्रेतील प्रमुख आकर्षण होते इथला 'बोलका पोपट'.
या जत्रेत येणाऱ्या प्रत्येकाची भेट घेऊन हा 'बोलका पोपट' पर्यावरणाच्या महत्त्वातून त्याचे भविष्य सांगत होता. ही अतिशय मजेशीर आणि गमतीदार जत्रा लहानांपासून मोठ्यांपर्यंत सर्वांच्याच पसंतीस उतरली.
शहरीकरणाच्या जंगलात हरवलेली निसर्गाची साथ, डेंग्यू, मलेरिया सारख्या भयंकर आजारांची समस्या, प्रदूषणाची समस्या इ. प्रश्न सोडवण्यासाठी या जत्रेत 7 स्टॉल उभारण्यात आले होते.
या स्टॉलमध्ये टाकाऊ पासून टिकाऊ, आरोग्य, ओला व सुका कचरा वर्गीकरणाची माहिती देण्यात आली. त्याचबरोबर वस्तू आणि वास्तुचे महत्व, वेळेत काळजी न घेतल्याने भविष्यात होणारे आजार व त्यावर उपचार पद्धती, असे वेगवेगळे स्टॉल व प्रत्येकाची प्रतिकृती साकारण्यात आली.
वरदा आर्ट या संस्थेला जत्रेच्या सजावटीचे काम देण्यात आले होते. या संस्थेने जत्रेची सजावट करताना संदेश छत्र्यांवर रेखाटलेले जनजागृतीपर संदेश सर्वांच्याच आकर्षणाचा विषय ठरला.
शिवडी कोळीवाडा येथील मराठी शाळेतील विद्यार्थ्यांनी लेझीम व स्वच्छतेचा संदेश देण्यासाठी पथनाट्य सादर केले. त्यात स्वच्छता राखा आणि निरोगी जीवन जागा, उघड्यावर शौच करू नये, असे आवाहन करण्यात आले.
डाऊनलोड करा Mumbai live APP आणि रहा अपडेट
मुंबईशी संबंधित प्रत्येक बातमी आणि अपडेट मिळवण्यासाठी Mumbai live च्या फेसबुक पेजला लाईक करा
(खाली दिलेल्या कमेंट बॉक्समध्ये तुमच्या प्रतिक्रिया अवश्य द्या)