Advertisement

धारावीतील घरात अजगराची एन्ट्री


धारावीतील घरात अजगराची एन्ट्री
SHARES

नववर्षाचा जल्लोष सुरु असताना धारावीत अचानक एका घरात अजगर शिरल्याची घटना घडली. अजगर आल्याचं वृत्त धारावीच्या गल्लीबोळातून वाऱ्यासारखं पसरलं. त्यामुळे अजगराला पाहण्यासाठी स्थानिक रहिवाशांची तोबा गर्दी झाली. त्यामुळे सोशल डिस्टन्सिंगचा पुरता बोजवारा उडाला.

धारावी पोलीस ठाणे हद्दीत वाय जंक्शन येथे राहणाऱ्या रहिवाशाच्या घरात अजगर शिरला होता. पहिल्या मजल्यावर असलेल्या घराच्या कौलात हा सहा फूट लांबीचा अजगर शिरल्याने आश्चर्य व्यक्त केलं जात होतं.

अजगर आल्याचं समजताच मुंबई पोलिसही घटनास्थळी दाखल झाले. पोलीस दलात काम करणाऱ्या मुरलीधर जाधव या शिपायाने जीवाची बाजी लावत अजगराची सुटका केली. मुरलीधर जाधवांनी अगदी सहजरित्या अजगराला घरातून बाहेर काढलं आणि त्याची सुरक्षित सुटका केली. मुरलीधर जाधव यांनी केलेल्या या कामगिरीमुळे त्यांचे पोलीस दलात कौतुक होत आहे.

अजगर घरात शिरल्यामुळे रात्रीच्या वेळी धारावीत मोठ्या प्रमाणात गर्दी झाली होती. अजगराला पकडताच उपस्थितांनी जोरदार टाळ्यांचा कडकडाट केला. ‘मुंबई पोलीस जिंदाबाद’च्या घोषणांनी परिसर दुमदुमून गेला. अजगराचे फोटो-व्हिडीओ, मुरलीधर जाधवांना शेकहँड करण्यासाठी स्थानिकांनी गर्दी केली. मात्र पोलिसांना गर्दीला पांगवलं.

संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा